Cystadleuaeth ddinesig yn arwain at newid siâp y tymor criced

Diweddarwyd am  

Criced

Llun: CC0

Mae siâp y tymor criced yn cael ei newid yn sgil cystadleuaeth newydd sy’n dod i Gaerdydd a nifer o ddinasoedd Lloegr yn 2020.

Mae’r 18 sir sy’n chwarae criced dosbarth cyntaf, gan gynnwys Morgannwg, wedi cytuno i gyfres o newidiadau i’r tymor.

Fel rhan o adolygiad, roedd gofyn i’r siroedd ystyried:

* Strwythur Pencampwriaeth y Siroedd

* Nifer y gemau yng nghystadleuaeth ugain pelawd y Vitality Blast

* Pa fformat ddylai’r siroedd ei chwarae yn ystod y gystadleuaeth ddinesig

* Tynnu’r Siroedd Llai i mewn i gystadlaethau dosbarth cyntaf

O ganlyniad i’r adolygiad, cafodd yr argymhellion canlynol eu cyflwyno a’u derbyn.

Y Bencampwriaeth

Fe fydd pob sir yn parhau i chwarae 14 o gemau yn ystod yr ymgyrch – saith gartref a saith oddi cartref.

Ar ddiwedd y gystadleuaeth, bydd tair sir yn ennill dyrchafiad o’r ail adran, ac un tîm yn gostwng o’r adran gyntaf. Ar hyn o bryd, dwy sy’n cael eu dyrchafu, a dwy sy’n gostwng.

Oherwydd na fydd pob sir yn herio’i gilydd ddwywaith yn y Bencampwriaeth, fe fydd y siroedd fydd ond yn herio’i gilydd unwaith yn cael eu dewis ar sail rhestr o ddetholion.

Y gystadleuaeth 50 pelawd

O 2020 ymlaen, bydd y gystadleuaeth 50 pelawd sirol yn cael ei chynnal ar yr un pryd â’r gystadleuaeth ddinesig newydd yng Ngorffennaf ac Awst.

Bydd y siroedd mewn dwy adran o naw tîm yr un – ond nid o reidrwydd fesul De a Gogledd – a’r tair sir uchaf ym mhob adran yn cyrraedd y rowndiau terfynol.

Unwaith yn unig fydd pob sir yn herio’i gilydd – pedair gêm gartref a phedair gêm oddi cartref.

Fydd dim hawl gan chwaraewyr tramor chwarae yn y gystadleuaeth hon.

Y gystadleuaeth 20 pelawd

Fydd strwythur y gystadleuaeth ugain pelawd sirol ddim yn newid, gyda’r siroedd wedi’u rhannu’n ddwy adran o naw sir (De a Gogledd), a phob sir yn chwarae 14 o gemau – saith gartref a saith oddi cartref.

Bydd y pedair sir uchaf ym mhob grŵp yn cystadlu yn rownd yr wyth olaf, a’r pedair sir fuddugol yn cystadlu ar Ddiwrnod y Ffeinals yn Edgbaston.

Y Siroedd Llai

O 2020 ymlaen, bydd y Siroedd Llai (gan gynnwys Cymru) yn cystadlu yn rownd gynta’r gystadleuaeth 50 pelawd sirol – a phob un o’r Siroedd Llai yn herio un o’r siroedd dosbarth cyntaf am le yn yr ail rownd.

Criced

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd