Diswyddo Robert Croft: “Diwrnod trist iawn i Glwb Criced Morgannwg”

Diweddarwyd am  

Mae’n “ddiwrnod trist iawn i Glwb Criced Morgannwg”, yn ôl y prif weithredwr Hugh Morris, sydd wedi ymateb i’r penderfyniad i ddiswyddo’r prif hyfforddwr Robert Croft.

Daeth y cyhoeddiad ar ddiwedd adolygiad allanol annibynnol, sydd hefyd wedi gweld Hugh Morris yn rhoi’r gorau i fod yn Gyfarwyddwr Criced.

Bydd Morgannwg yn dechrau’r broses o chwilio am brif hyfforddwr newydd ar ôl i’r cyfarwyddwr criced newydd gael ei benodi.

Cafodd Morgannwg dymor siomedig yn 2018, wrth orffen ar waelod y Bencampwriaeth, a methu â chyrraedd rowndiau olaf y naill gystadleuaeth undydd na’r llall.

Ymateb Hugh Morris

Wrth siarad â BBC Cymru, dywedodd Hugh Morris, “Dw i’n amlwg wedi adnabod ac wedi chwarae gyda Robert ers amser hir iawn, ac wedi cydweithio’n agos iawn gyda fe.

“Mae gan nifer fawr ohonon ni galonnau trwm heddiw. Mae e wedi byw a bod gyda Morgannwg ers dros 30 o flynyddoedd, a bydd e bob amser yn un o’n llysgenhadon ni.”

“Roedd y tymor yn un siomedig, does dim modd osgoi hynny. Roedden ni’n gwybod ar ddechrau’r tymor mai ein strategaeth oedd ceisio gorffen yn hanner ucha’r tabl gyda nifer o chwaraewyr lleol sydd wedi cael eu datblygu trwy ein rhaglenni datblygu.

“Roedden ni am sicrhau bod nifer o bileri o brofiad yn y tîm ochr yn ochr â’r chwaraewyr ifainc, ond doedden nhw ddim yno.

“Yn y pen draw, roedd llawer o chwaraewyr ifainc mewn awyrgylch heriol, ac roedd y canlyniadau’n adlewyrchu’r ffaith ein bod ni wedi cael tymor siomedig.”

Criced

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd