Batiwr tramor Morgannwg yn cyrraedd yn gynt na’r disgwyl

Diweddarwyd am  
Usman Khawaja

Usman Khawaja

Llun: Clwb Criced Morgannwg

Fe fydd chwaraewr tramor Morgannwg ar gyfer y gystadleuaeth ugain pelawd, hefyd yn chwarae iddyn nhw yn y Bencampwriaeth am dair gêm.

Roedd disgwyl i Usman Khawaja chwarae yn y gystadleuaeth ugain pelawd yn unig, cyn dychwelyd cyn y gêm olaf yn erbyn Swydd Surrey ar gyfer taith Awstralia A i India.

Ond fe fydd e hefyd yn chwarae mewn tair gêm Bencampwriaeth tra bod y batiwr tramor a’i gydwladwr, Shaun Marsh ar daith gydag Awstralia i Gymru a Lloegr.

Bydd Usman Khawaja bellach ar gael ar gyfer y gemau yn y Bencampwriaeth yn erbyn Swydd Warwick yn Edgbaston, Swydd Derby yn Abertawe a Swydd Northampton yng Nghaerdydd.

‘Cricedwr talentog iawn’

“Rydym wedi bod yn trafod gyda chorff Criced Awstralia ac Usman fyth ers i Shaun gael ei alw i dîm undydd Awstralia ac rydym wrth ein bodd y bydd e’n ymuno â ni’n gynnar fel eilydd,” meddai Hugh Morris, Prif Weithredwr Morgannwg.

“Mae Usman yn gricedwr talentog iawn a chanddo fe record wych mewn gemau prawf ac rwy’n sicr y bydd e’n gwneud gwaith da wrth ddod i mewn yn lle Shaun ac y bydd e’n ddylanwad positif ar y garfan ifanc.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd