Morgannwg v Swydd Gaerloyw

 
Pêl griced wen

Cystadleuaeth 50 pelawd Cwpan Royal London

Mae ymgyrch Morgannwg yng nghystadleuaeth 50 pelawd Cwpan Royal London wedi dechrau heddiw yn erbyn Swydd Gaerloyw yng Nghaerdydd.

Mae’r Cymry’n dechrau’r ymgyrch gyda chapten newydd, Colin Ingram, sy’n arwain y tîm undydd eleni yn dilyn ymddeoliad Jacques Rudolph. Gemau undydd yn unig y mae Ingram yn chwarae ynddyn nhw y tymor hwn.

Michael Hogan sy’n arwain y tîm yn y Bencampwriaeth.

Mae’r chwaraewr amryddawn Graham Wagg hefyd yn dychwelyd i’r garfan ar ôl colli’r gemau yn y Bencampwriaeth ar ddechrau’r tymor. Ac mae’r batiwr ifanc Jack Murphy yn chwarae yn ei gêm undydd gyntaf erioed ar ôl torri drwodd i dîm y Bencampwriaeth eleni.

Morgannwg sy’n batio yng Ngerddi Sophia.

Gemau’r gorffennol

Morgannwg oedd yn fuddugol y tymor diwethaf, a hynny o 18 o rediadau wrth herio Swydd Gaerloyw yn y gystadleuaeth hon ym Mryste.

Yn ôl Graham Wagg, mae gan Forgannwg obaith o ennill y gystadleuaeth eleni.

“Cyrraedd y ffeinal a’i hennill hi yw’r nod, am wn i. Ry’n ni wedi bod ynddi ers sawl blwyddyn, a Diwrnod Ffeinals y T20 y llynedd, ac wedi bod yn brin o’r nod., felly ry’n ni’n ceisio mynd gam ymhellach eleni.

“Roedd yn dymor anodd y llynedd mewn criced 50 pelawd ond roedden ni’n dal ynddi hanner ffordd drwodd, felly ry’n ni’n ceisio mynd gam ymhellach eto ond yn cymryd popeth un gêm ar y tro.”

Morgannwg: N Selman, J Murphy, C Ingram (capten), S Marsh, C Cooke, D Lloyd, A Salter, G Wagg, T van der Gugten, M de Lange, M Hogan

Swydd Gaerloyw: B Howell, C Dent (capten), I Cockbain, G Roderick, G Hankins, J Taylor, R Higgins, T Smith, D Worrall, M Taylor, C Liddle

Sgorfwrdd

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd