Canmol Morgannwg am gynhyrchu cricedwyr Lloegr y dyfodol

 

Mae Clwb Criced Morgannwg wedi cael eu llongyfarch ar ôl i ddau chwaraewr gael eu cynnwys yng ngharfan dan 19 Lloegr ar gyfer Cwpan y Byd.

Cafodd y bowliwr cyflym, Roman Walker o Wrecsam a’r chwaraewr amryddawn, Prem Sisodiya o Gaerdydd eu cynnwys yn y garfan am y tro cyntaf yn ddiweddar ar gyfer cyfres undydd driphlyg yn erbyn De Affrica a Namibia.

Sgoriodd Prem Sisodiya hanner canred ac fe gipiodd e bedair wiced yn erbyn Namibia yr wythnos ddiwethaf, yn ogystal â dwy wiced am 43 yn erbyn De Affrica wrth i Loegr ennill o wyth wiced.

Cipiodd Roman Walker gipio wiced gyntaf batiad Namibia.

Gwaith yr Academi

Ymhlith hyfforddwyr yr Academi mae’r cyn-wicedwr Adrian Shaw a’r Pennaeth Datblygu Talent, Richard Almond.

Ar ôl cyhoeddi carfan Lloegr ar gyfer Cwpan y Byd, dywedodd un o’r dewiswyr, David Graveney: “Mae’n werth llongyfarch Swydd Middlesex, Gwlad yr Haf, Swydd Gaerwrangon a Morgannwg sy’n cyfrannu rhan fwya’r chwaraewyr yn y garfan, fel gwobr am ansawdd eu Hacademi.”

Manylion Cwpan y Byd

Bydd Lloegr yn chwarae mewn gemau cyfeillgar yn erbyn Iwerddon a Sri Lanca cyn i’r gystadleuaeth ddechrau yn Seland Newydd ar Ionawr 13.

Yn ystod y gystadleuaeth, byddan nhw’n herio Namibia (Ionawr 15) a Bangladesh (Ionawr 18).

Y garfan: Harry Brook (Swydd Efrog, capten), Ethan Bamber (Swydd Middlesex), Liam Banks (Swydd Warwick), Tom Banton (Gwlad yr Haf), Jack Davies (Swydd Middlesex), Adam Finch (Swydd Gaerwrangon), Luke Hollman (Swydd Middlesex), Will Jacks (Swydd Surrey), Tom Lammonby (Gwlad yr Haf), Dillon Pennington (Swydd Gaerwrangon), Savin Perera (Swydd Middlesex), Prem Sisodiya (Morgannwg), Tom Scriven (Swydd Hampshire), Fin Trenouth (Gwlad yr Haf), Roman Walker (Morgannwg).

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd