Cyhoeddi rhestr gemau’r Bencampwriaeth a’r gystadleuaeth 50 pelawd

Mae Clwb Criced Morgannwg wedi cyhoeddi pryd fydd eu gemau yn y Bencampwriaeth a chystadleuaeth 50 pelawd Royal London yn cael eu cynnal yn ystod tymor 2018.

Bydd y tymor dosbarth cyntaf yn dechrau ar Ebrill 20 wrth iddyn nhw deithio i Fryste i herio Swydd Gaerloyw yn y Bencampwriaeth, a bydd eu gêm gartref gyntaf yn y gystadleuaeth honno yn erbyn Swydd Gaint yn dechrau ar Fai 4.

Tra bydd y gemau yn y Bencampwriaeth yn cael eu cynnal drwy gydol y tymor, fe fydd y gystadleuaeth 50 pelawd yn cael ei chynnal rhwng Mai 18 a Mehefin 30.

Daw’r cyhoeddiad ddiwrnod ar ôl i restr o’r gemau ugain pelawd gael ei chyhoeddi, a bydd y gystadleuaeth honno’n cael ei chynnal rhwng Gorffennaf 6 ac Awst 17.

Abertawe a Llandrillo yn Rhos

Fe fydd y gêm 50 pelawd yn erbyn Swydd Hampshire ar Fehefin 3 yn cael ei chynnal ar gae San Helen yn Abertawe, ynghyd â’r gêm Bencampwriaeth yn erbyn Swydd Derby rhwng Mehefin 9-12.

Bydd taith flynyddol Morgannwg â Llandrillo yn Rhos rhwng Awst 29 a Medi 1 wrth iddyn nhw herio Swydd Warwick.

Bydd yr holl gemau cartref eraill yng Nghaerdydd.

O safbwynt caeau allanol y siroedd eraill, fe fydd Morgannwg yn teithio i Cheltenham ar gyfer gêm ugain pelawd yn erbyn Swydd Gaerloyw ar Orffennaf 27, ac yn erbyn Swydd Middlesex yn Richmond ar Awst 5.

Gemau’r Bencampwriaeth yn llawn (gemau cartref mewn ‘bold’)

Ebrill 20: Swydd Gaerloyw

Ebrill 27: Swydd Middlesex

Mai 4: Swydd Gaint

Mai 11: Swydd Gaerlŷr

Mehefin 9: Swydd Warwick

Mehefin 20: Swydd Derby

Mehefin 25: Swydd Northampton

Gorffennaf 22: Swydd Sussex

Awst 19: Swydd Durham

Awst 29: Swydd Warwick

Medi 4: Swydd Derby