RSS

Golwg360

MwyCau 

ADRODDIAD: Morgannwg yn curo Swydd Gaint yn y T20 Blast

Gorffennaf 30, 2017 18:12 Diweddarwyd am 18:25


Jacques Rudolph (Llun: Wikipedia)
Tarodd capten Morgannwg, Jacques Rudolph a’r Cymro ifanc, Aneurin Donald hanner canred yr un wrth i Forgannwg guro Swydd Gaint o 25 o rediadau yn y T20 Blast yng Nghaergaint y prynhawn yma.

Dyma’u pedwaredd fuddugoliaeth o’r bron oddi cartref.

Sgoriodd Jacques Rudolph 77 oddi ar 52 o belenni, ac roedd ei fatiad yn cynnwys wyth pedwar ac un chwech.

Ychwanegodd Aneurin Donald 50 oddi ar 31 o belenni, gan gynnwys wyth pedwar, wrth i Forgannwg sgorio 199-2 yn eu hugain pelawd. Tarodd David Miller 43 oddi ar 26 o belenni – gan gynnwys chwe phedwar ac un chwech – yn ogystal.

Doedd 68 oddi ar 50 o belenni gan Joe Denly a 60 oddi ar 34 o belenni i’r capten Sam Northeast ddim yn ddigon i’r Saeson wrth iddyn nhw orffen eu batiad ar 174-4, 25 o rediadau’n brin o’r nod.

Cipiodd Lukas Carey, y bowliwr cyflym ifanc o Bontarddulais, wiced oddi ar ei drydedd pelen erioed mewn gemau ugain pelawd pan fowliodd e Daniel Bell-Drummond am dri.

Bellach, mae gan Forgannwg fantais o ddau bwynt dros Swydd Surrey ar frig y tabl, a byddan nhw’n herio Swydd Gaerloyw yng Nghaerdydd nos Iau.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.