David Miller ydi batiwr tramor newydd Morgannwg

 


Mae Clwb Criced Morgannwg wedi arwyddo David Miller o Dde Affrica yn chwaraewr tramor ar gyfer yr ymgyrch NatWest T20 Blast.

Mae disgwyl i’r batiwr llaw chwith gyrraedd ddydd Sadwrn, ac fe fydd ar gael ar gyfer y gemau sirol yn erbyn Essex Eagles ddydd Sul (Gorffennaf 23). Ei gêm olaf yn yr ymgyrch fydd honno yn erbyn Surrey ddydd Gwener, Awst 4.

Mae David Miller wedi chwarae gemau rhyngwladol 20 pelawd a gemau undydd dros Dde Affrica, ac mae wedi chwarae i’r Durham Jets a’r Yorkshire Vikings yn y T20 cyn hyn. Mae wedi sgorio bron i 5,000 o rediadau yn y T20.

Y tro olaf iddo droi allan yng Nghaerdydd oedd ddiwedd Mehefin, pan oedd De Affrica yn herio Lloegr yn ymgyrch y T20 Rhyngwladol.

“Rydyn ni’n falch iawn o arwyddo David Miller ar gyfer yr ymgyrch chwe gêm,” meddai Hugh Morris, Prif Weithredwr a Chyfarwyddwr Criced, Clwb Morgannwg.

“Mae David yn fatiwr ffein, gyda digonedd o brofiad T20. Mae e’n gwybod sut mae ennill gemau, ac mae’n sgoriwr dwys. Mae e’n siwr o ddod â dyfnder i’n batio ni, a rhoi hwb i’n gobeithion o wneud yn dda yn yr ymgyrch.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd