RSS

Golwg360

MwyCau 

Crasfa i Forgannwg unwaith eto

Ebrill 16, 2017 13:21 Diweddarwyd am 13:50


Mae tîm criced Morgannwg wedi colli o wyth wiced cyn cinio ar drydydd diwrnod y gêm Bencampwriaeth yn erbyn Swydd Gaerwrangon yng Nghaerdydd.

Collon nhw ddwy wiced – un yr un i Lukas Carey a Michael Hogan, ond fe gyrhaeddon nhw’r nod o 28 mewn 5.3 o belawdau.

Manylion

Batiodd Morgannwg ar ddiwrnod cynta’r gêm a chyrraedd 203 i gyd allan, wrth i David Lloyd daro 88 i achub y Cymry i ryw raddau’n gynnar yn y gêm.

Adeiladodd y chwaraewr amryddawn o Lanelwy bartneriaeth o 68 gyda Lukas Carey o Bontarddulais am y nawfed wiced, ar ôl i Forgannwg fod yn 105-8.

Tarodd Tom Kohler-Cadmore 102 i’r ymwelwyr wrth iddyn nhw gyrraedd 403 i gyd allan yn eu batiad cyntaf, wrth i Ed Barnard sgorio 59 a John Hastings 51. Roedd tair wiced yn y batiad i Lukas Carey.

Dechreuodd Morgannwg eu hail fatiad yn gadarn gyda phartneriaeth agoriadol o 74 rhwng y capten Jacques Rudolph a Nick Selman.

Collodd Nick Selman ei wiced am 42 wrth i Forgannwg lithro i 108-3, ond fe gollon nhw eu saith wiced olaf am 115 i osod nod o 19 i’r ymwelwyr am y fuddugoliaeth. Cipiodd Josh Tongue bum wiced am 45.

Un o’r ychydig berfformiadau calonogol ymhlith y batwyr oedd hwnnw gan Aneurin Donald, wrth iddo sgorio 57.

Chwarae dwy, ennill dwy yw hanes Morgannwg hyd yn hyn, ac mae cwestiynau eisoes wedi’u codi am safon y batio unwaith eto.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.