RSS

Golwg360

MwyCau 

Sais ifanc yn dychwelyd ar fenthyg i Forgannwg

Ebrill 6, 2017 18:00 Diweddarwyd am 18:21


Harry Podmore (Llun o wefan Clwb Criced Swydd Middlesex)
Mae Clwb Criced Morgannwg wedi arwyddo’r bowliwr cyflym o Swydd Middlesex, Harry Podmore ar fenthyg am gyfnod byr.

Chwaraeodd e mewn dwy gêm i Forgannwg ddechrau’r tymor diwethaf, gan gipio tair wiced am 59 yn erbyn Swydd Gaerloyw ym Mryste.

Bydd e’n llenwi bwlch am y tro wrth i Graham Wagg, Michael Hogan a Timm van der Gugten geisio gwella o anafiadau.

Fe gipiodd y bowliwr 22 oed bum wiced i’w sir ei hun yr wythnos diwethaf yn erbyn yr MCC yn Dubai.

Bydd e ar gael i Forgannwg am fis cynta’r tymor, ac mae e wedi’i gynnwys yn y garfan ar gyfer y daith i Northampton, lle mae’r gêm Bencampwriaeth yn erbyn Swydd Northampton yn dechrau yfory.

‘Dibynadwy’

Wrth gyhoeddi’r newyddion, dywedodd Prif Weithredwr Clwb Criced Morgannwg, Hugh Morris fod Harry Podmore yn “ddibynadwy” y tymor diwethaf.

“Mae e wedi datblygu o fod yn gweithio ar raglen bowlwyr cyflym Lloegr i ddod yn fowliwr cyflym ifanc o’r radd flaenaf a fydd yn ychwanegu dyfnder i’n hadran fowlio cyflym ni.

‘Cyfle’

Mae Harry Podmore wedi diolch i Forgannwg am gynnig y cyfle i chwarae ar ddechrau’r tymor.

“Fe wnaeth Morgannwg roi fy nghyfle cyntaf i fi mewn criced dosbarth cyntaf a dw i’n ddiolchgar iddyn nhw am roi cyfle arall i fi chwarae criced â’r bêl goch.

“Yn amlwg gyda faint o fowlwyr cyflym sydd gyda Swydd Middlesex, gall fod yn anodd i gael gêm.

“Ond mae criw da o fois ifainc ym Morgannwg ac fe wnaethon nhw roi croeso mawr i fi y tro diwethaf, ac fe wnaeth hynny’r penderfyniad i ddychwelyd lawer haws i fi.”

Ychwanegodd y byddai’n croesawu’r cyfle i ymestyn ei gytundeb y tu hwnt i’r mis pe bai cyfle.

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.