Golwg o’r ffin: Timau Cymru yng Nghwpan Pentrefi Davidstow

Diweddarwyd am  


Wrth i eitem achlysurol ‘Golwg o’r ffin’ ddychwelyd i Golwg360 ar ddechrau blwyddyn newydd, mae’r darn cyntaf yn rhoi sylw i Gwpan Criced Pentrefi Davidstow, sydd wedi’i noddi gan y cylchgrawn ‘The Cricketer’.

Clwb Criced Bronwydd oedd yn chwifio baner Cymru yn y rowndiau Prydeinig y tymor diwethaf, wrth iddyn nhw gyrraedd rownd yr wyth olaf, a cholli yn y pen draw o 57 o rediadau yn erbyn Pelsall o Ganolbarth Lloegr.

Eleni, byddan nhw’n dechrau eu hymgyrch gartref yn yr ail rownd yn erbyn Lawrenni yn rhanbarth Dyfed.

Bydd y timau sy’n dechrau yn y rownd gyntaf yn chwarae ar Fai 1, tra bydd y rhai sy’n mynd yn syth i’r ail rownd yn chwarae ar Fai 15.

Bydd y rowndiau terfynol rhanbarthol yn cael eu cynnal ar Fehefin 12, cyn i enillwyr yr amryw ranbarthau fynd ben-ben â’i gilydd yn y rowndiau terfynol cenedlaethol, sy’n dechrau ar Fehefin 26.

Bydd y ddau dîm sy’n cyrraedd y rownd derfynol yn y pen draw yn cystadlu am Gwpan Pentrefi Davidstow yn Lord’s ar Fedi 4.

Rhanbarthau

Swydd Gaer a Chlwyd

Mae pedwar tîm o Ogledd Cymru’n cystadlu yn rhanbarth Swydd Gaer a Chlwyd, sef Carmel, Helygain, Corwen a Llaneurgain.

Bydd rownd gynta’r rhanbarth yn cael ei chynnal ar Fai 1.      

Bydd Helygain yn croesawu Broadbottom, tra bydd Carmel yn teithio i Ashley, bydd Corwen yn mynd i Alvenley a bydd Llaneurgain yn mynd dros y ffin i herio Caldy.

Er bod timau Powys a Swydd Henffordd yn herio’i gilydd yn yr un rhanbarth, does yna’r un tîm o Bowys yn cystadlu eleni.

Dyfed

Bydd ail rownd rhanbarth Dyfed yn cael ei chynnal ar Fai 15, ac mae’r gemau fel a ganlyn:

Drefach v Llandysul

Bronwydd v Lawrenni

Caeriw v Pontyberem

Mae Creseli drwodd i’r drydedd rownd yn ddi-wrthwynebiad.

Morgannwg a Gwent

Bydd ail rownd rhanbarth Morgannwg a Gwent yn cael ei chynnal ar Fai 15 hefyd, ac mae’r gemau fel a ganlyn:

Miskin Manor v Creigiau

Sain Ffagan v Ynystawe

Crymlyn v Tondu

Mae Sully Centurions o Sili drwodd i’r drydedd rownd yn ddi-wrthwynebiad.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd