Record sirol i Wagg ar ei ffordd i 200

Diweddarwyd am  


Torrodd Graham Wagg record am y nifer fwyaf o ergydion am chwech yn ystod batiad gan fatiwr Morgannwg (11) ar ei ffordd i gyfanswm o 200.

Mae’r cyfanswm yn ailadrodd y record am y cyfanswm dosbarth cyntaf unigol gorau erioed i fatiwr rhif wyth o unrhyw un o’r siroedd – gan efelychu camp Dominic Cork yn erbyn Swydd Durham yn 2000.

Roedd batiad Wagg hefyd yn cynnwys 21 ergyd am bedwar oddi ar 216 o belenni.

Roedd Wagg yn 116 heb fod allan ar ddechrau’r trydydd diwrnod, a’r canred cyntaf wedi’i daro oddi ar 99 o belenni, ac roedd rhagor o glatsio i ddod yn ystod y sesiwn gyntaf y bore ma.

Daeth 79 o rediadau oddi ar yr wyth pelawd gyntaf, ac roedd Michael Hogan (24) hefyd yn benderfynol o ymuno yn yr hwyl, gan daro pum pedwar.

Adeiladodd Wagg bartneriaeth o 105 am y wiced olaf gyda Hogan cyn i Forgannwg gael eu bowlio allan yn y pen draw am 437.

Erbyn amser cinio, roedd Swydd Surrey yn 45-0 yn eu hail fatiad, 14 o rediadau ar y blaen i Forgannwg.

Criced

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd