Un Cymro ar ôl ym Mhencampwriaeth Snwcer Prydain

 
Matthew Stevens

Matthew Stevens

Llun: Wikipedia

Matthew Stevens yw’r unig Gymro ym Mhencampwriaeth Snwcer y Deyrnas Unedig yng Nghaerefrog erbyn hyn.

Bydd y Cymro Cymraeg o Gaerfyrddin yn herio’r Albanwr Stephen Maguire yn rownd yr wyth olaf heno (nos Wener, Rhagfyr 6).

Cyrhaeddodd e’r wyth olaf ar ôl curo’r Sais Mark Selby o chwe ffrâm i bump, ac fe allai herio naill ai Mark Allen o Ogledd Iwerddon neu’r Sais Nigel Bond pe bai’n cyrraedd y rownd gynderfynol.

Llwyddodd e i sgorio 54 yn y drydedd ffrâm a 77 yn yr wythfed cyn ennill y ffrâm olaf i gipio’r fuddugoliaeth.

Siom i Michael White

Sicrhaodd Stephen Maguire ei le yn yr wyth olaf ar ôl curo Cymro arall, Michael White o Gastell-nedd, o chwe ffrâm i bedair.

Sgoriodd y Cymro ddau rediad o fwy na chant – 104 yn yr ail ffrâm a 115 yn y bedwaredd, cyn sgorio 91 yn y chweched.

Ond enillodd yr Albanwr yr ornest gyda rhediad o 116 yn y ffrâm olaf.

Rownd yr wyth olaf:

 Ding Junhui v Liang Wenbo

John Higgins v Yan Bingtao

Stephen Maguire v Matthew Stevens

Mark Allen v Nigel Bond

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn