Cymro’n ennill Pencampwriaeth Rali Prydain yn yr Alban

 
Bryniau Galloway yn yr Alban

Bryniau Galloway yn yr Alban

Llun: Dave Shephard trwy Flickr

Mae’r Cymro Matt Edwards yn bencampwr dwbl Pencampwriaeth Rali Prydain yn dilyn ei fuddugoliaeth ym mryniau’r Alban ddoe (dydd Sadwrn, Medi 14).

Daw ei fuddugoliaeth ddiweddaraf ar ôl iddo ennill y bencampwriaeth yng Nghymru y llynedd.

Roedd miloedd o bobol ar strydoedd de’r Alban i wylio penllanw’r gystadleuaeth, wrth i’r Cymro geisio gorffen yn seithfed neu’n uwch er mwyn cipio’r teitl am yr ail waith yn olynol.

Fe yw’r pencampwr dwbl cyntaf ers Keith Cronin yn 2009-10.

“Es i i mewn i’r cymal olaf gan deimlo fy mod i am iddo fod ar ben, ac roedd yn ddigwyddiad anodd i ni yrru ynddo, gan fod angen i ni sicrhau ein bod ni’n cyrraedd y llinell derfyn,” meddai.

“Mae M-Sport, Patrick [Walsh, ei gyd-yrrwr] a’r tîm cyfan wedi gwneud popeth yn berffaith i fi ac mae cael clymu popeth ynghyd unwaith eto’n deimlad melys.

“Gobeithio bod Tom [Cave, ei brif wrthwynebydd] yn derbyn hyn fel compliment, ond mae ei guro fe eleni’n beth arbennig iawn ac roedd cael mwynhau’r frwydr hir y tymor hwn yn wych i’r bencampwriaeth, a dw i wrth fy modd o gael curo’i gyflymdra fe.

“Mae’n beth anhygoel!”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd