Dewi Griffiths bedair munud yn brin o record Gymreig Marathon Llundain

Diweddarwyd am  

Mae Dewi Griffiths wedi gorffen Marathon Llundain bedair munud yn brin o’r record Gymreig ar gyfer y ras.

Croesodd y rhedwr o Gaerfyrddin y llinell derfyn mewn 2:11:46.

Roedd e’n anelu am 2:07:11 a gafodd ei osod gan Steve Jones yn 1985.

Serch hynny, roedd ei amser yn ddigon da i gyrraedd y safon ar gyfer Pencampwriaeth y Byd yn Doha yn ddiweddarach eleni.

Fe wnaeth Josh Griffiths orffen yn 21ain, mewn 2:14:25, ac Andy Davies mewn 2:15:37.

Ymhlith y merched, gorffennodd Natasha Cockram mewn 2:40:31.

Ras y dynion

Eliud Kipchoge o Cenia ddaeth i’r brig am y pedwerydd tro, sy’n record ar gyfer y marathon.

Enillodd e’r ras yn 2015, 2016 a’r llynedd.

Fe dorrodd deilydd record y byd ei record ei hun, gan orffen mewn 2:02:37, yr ail amser cyflymaf erioed.

Roedd e ar y blaen i Mosinet Geremew a Mule Wasihun.

Roedd Mo Farah yn bumed.

Ras y merched

Brigid Kosgei o Cenia ddaeth i’r brig yn ras y merched, ar ôl gorffen yn ail y llynedd.

Vivian Cheruiyot o Ethiopia oedd yn ail, a’i chydwladwraig Roza Dereje yn drydydd.

Y cadeiriau olwyn

Yr Americanwr Dan Romanchuk ddaeth i’r brig yn ras cadeiriau olwyn y dynion, tra bod Marcel Hug o’r Swistir yn ail a Tomoki Suzuki o Japan yn drydydd.

Manuela Schar o’r Swistir ddaeth i’r brig yn ras cadeiriau olwyn y merched.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd