Ian Woosnam ddim yn bwriadu chwarae yn y Meistri eto

 
Llun o dwll mewn cwrs golff

Llun o dwll mewn cwrs golff

Wikimedia Commons CCA 2.0

Mae’r Cymro Ian Woosnam yn dweud na fydd e’n chwarae yng nghystadleuaeth y Meistri eto, ar ôl cyhoeddi ei ymddeoliad am yr ail waith.

Rhoddodd y gorau i chwarae am gyfnod yn 2016, cyn gwneud tro pedol yn ddiweddarach.

Sgoriodd e 80 a 76 yr wythnos hon, gan orffen ddeuddeg ergyd yn waeth na’r safon, a cholli’r cyfle i fynd yn ei flaen am yr ail dro ar bymtheg mewn 18 o gynigion yn y Meistri.

Mae’r Cymro 61 oed, oedd wedi ennill y Meistri yn 1991, yn dioddef o gyflwr yn ei gefn ac fe roddodd y gorau iddi ar ôl chwarae yn Augusta yn 2016.

“Mae’n drueni oherwydd dw i’n teimlo fy mod i’n chwarae’n dda o hyd, ond pan ydych chi’n cerdded yr holl ffordd o gwmpas gyda chefn tost, mae’n cymryd eich egni oddi arnoch chi,” meddai.

“Fe fu’n bleser bod yma, bod yn bencampwr, a dw i’n edrych ymlaen at ddod yma am flynyddoedd lawer eto.”

Mae’n dweud y bydd yn cael sgan ar ei gefn yn y dyfodol agos, ond nad yw’r sefyllfa wedi newid ers 30 o flynyddoedd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd