Cymro’r Tour de France yw Personoliaeth Chwaraeon 2018

 
Geraint Thomas

Geraint Thomas yn ennill Tour de France

Llun: Pete Goding / PA Wire

Y seiclwr o Gaerdydd, Geraint Thomas yw Personoliaeth Chwaraeon y Flwyddyn BBC Cymru.

Fe gafodd ei anrhydeddu mewn seremoni yng ngwesty’r Celtic Manor, Casnewydd neithiwr (nos Fawrth, Rhagfyr 4).

Daeth y cyhoeddiad yn ystod noson Gwobrau Chwaraeon Cymru, ac mae’n coroni blwyddyn gofiadwy i’r Cymro cyntaf erioed i ennill ras feics Tour de France.

Yn dilyn ei lwyddiant ar strydoedd ac ym mynyddoedd Ffrainc, fe gfodd y Cymro groeso cynnes adref gerbron torf o 8,000 o bobol yn y brifddinas yn ystod yr Eisteddfod Genedlaethol.

Pencampwr snwcer y byd, Mark Williams ddaeth yn ail, a’r bobsledwraig sgerbwd Laura Deas yn drydydd.

Gwobrau eraill

Un arall o brif enillwyr y noson oedd Tanni Grey-Thompson, a gipiodd y Wobr Cyflawniad Oes, a hithau’n un o’r para-athletwyr mwyaf llwyddiannus erioed.

Mae hi hefyd yn ymgyrchydd brwd tros bara-chwaraeon a lles para-athletwyr.

Dyma’r enillwyr eraill yn llawn:

  • Tîm y Flwyddyn – Devils Caerdydd (hoci iâ, enillwyr y Gynghrair Elit)
  • Hyfforddwr y Flwyddyn– Jayne Ludlow (rheolwraig tîm pêl-droed merched Cymru am eu hymgyrch i geisio cyrraedd Cwpan y Byd)
  • Arwr Tawel BBC Cymru– Asa Waite (hyfforddwraig a sylfaenydd tîm pêl-fasged i ferched yng Nghasnewydd)
  • Athletwraig Ifanc y Flwyddyn Carwyn James – Elynor Backstedt (seiclwraig trac, medal efydd ym Mhencampwriaeth y Byd)
  • Athletwr Ifanc y Flwyddyn Carwyn James – James Bowen (enillydd ieuengaf Grand National Cymru)
  • Person Ifanc Ysbrydoledig – Fran Smith (cyfraniad i nifer o gampau anabledd)
  • Gwirfoddolwr y Flwyddyn – Gareth Lanagan (Clwb Criced Dolgellau)
  • Sefydliad y Flwyddyn – Y Bartneriaeth Awyr Agored (Gwynedd)
  • Gwobr Cymru Actif – Codi Allan, a Bod yn Egnïol (Wrecsam, Sir Benfro a Rhondda Cynon Tâf)
  • Hyfforddwr Cymunedol y Flwyddyn – Aled Jones-Davies (Tîm Rhedeg Pen Ffordd Tâf, Caerfyrddin)

Chwaraeon Eraill

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd