Osian Pryce yn ail yn rali Granada

 
Osian Pryce

Osian Pryce

Llun: Vimeo

Mae’r Cymro Osian Pryce wedi gorffen yn ail yn ras geir y Rallye Ciudad de Granada, ar ôl ennill tri chymal.

Cafodd ei gar ei gynhyrchu gan gwmni ASM Motorsport yn Barcelona, ac fe ddangosodd ei allu o’r dechrau’n deg, wrth i Osian Pryce a’i gyd-yrrwr Dale Furniss fanteisio ar y car a’r amodau i fynd am y fuddugoliaeth.

Ar ôl cymal ar strydoedd Granada nos Wener, gyrru ar y graean oedd yr her dros wyth cymal ddydd Sadwrn.

Gorffennodd Osian Pryce yn drydydd yn y cymal cyntaf mewn tywydd gwlyb.

Yn y pen draw, roedd 52.5 eiliad rhyngddo fe a’i bartner Dale Furniss, a Xevi Pons a Rodrigo Sanjuan.

‘Allwn i ddim bod wedi gofyn am fwy’

“Wnes i fwynhau gyrru’r car R4 ac o safbwynt y perfformiad a’r canlyniad, allwn i ddim bod wedi gofyn am fwy,” meddai Osian Pryce.

“Wnaethon ni dri rhediad yn unig dros y cymal arbrofol ond yn syth, roedd y car yn teimlo’n dda ac yn hawdd i’w yrru, a wnaethon ni ddim newidiadau o gwbl cyn y dechrau.

“Roedden ni braidd yn ofalus dros y cymal cyntaf ar y graean, roedd hi’n damp ac roedden ni’n gwybod fod gyda ni job o waith i’w wneud, ond fe lwyddon ni i gael y trydydd amser cyflymaf!

“Wnaeth e sychu allan wedyn, ac roedd heolydd syth ar rai o’r cymalau lle’r oedd pwer yn fantais fawr, ond lle collon ni allan ar gyflymdra… roedden ni ar ein hennill yn y darnau tynn a throellog.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd