Ennill y Critérium du Dauphiné: “teimlad anhygoel” Geraint Thomas

Diweddarwyd am  
Geraint Thomas

Geraint Thomas

Llun: kei-ai trwy Gomin Wicimedia

Mae’r Cymro Geraint Thomas wedi disgrifio’r “teimlad anhygoel” o ennill ras y Critérium du Dauphiné yn Ffrainc.

Cael a chael oedd hi tua diwedd y ras y prynhawn yma, wrth i Adam Yates gipio buddugoliaeth yn y cymal olaf i sicrhau ail safle yn y ras gyfan.

Cafodd y Cymro ddau bynjar yn ei olwynion yn y cymal olaf dros 136km rhwng Moutiers a St Gervais Mont Blanc ond ar ôl trwsio’r olwyn yr ail waith, fe lwyddodd i gyrraedd diogelwch y peloton gyda chymorth Michal Kwiatkowski a Dylan van Baarle.

Croesodd y Cymro’r llinell derfyn yn bumed yn y cymal y tu ôl i Adam Yates, oedd wedi llwyddo i dorri mantais Geraint Thomas drosto i funud union.

‘Ras fawreddog’

“Mae’n anhygoel cael ennill y fath ras fawreddog,” meddai Geraint Thomas. “Mae’n anhygoel. Wnes i ddim gadael i fi fy hun feddwl yn rhy bell ymlaen llaw.

“Ro’n i bob amser yn meddwl am y diwrnod nesaf. Nawr dw i’n sylweddoli fy mod i wedi ennill ras enfawr.

“Doedd y ddau bynjar heddiw wir ddim wedi helpu. Roedd rhaid i fi gwrso fy ffordd yn ôl. Ond wnaeth y bois rasio’n dda iawn i fi. Wrth ddringo am y tro olaf, ro’n i’n gwybod fod gyda fi ryw funud ag 20 eiliad i’w cholli i Yatesy.

“Ro’n i’n fwy hyderus ac yn hapusach gyda phob cilomedr. Yn olaf, gyda 200m i fynd, pan wnaethon nhw ddechrau gwibio am y fuddugoliaeth, ro’n i’n teimlo rhyddhad.

“Galla i orffwys rhwyfaint nawr ac aros am fis Gorffennaf. Mae hyn yn hwb i’r hyder ar gyfer y Tour (de France).”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd