Marathon rhif 4 i redwraig o Abertawe

 
Laura yn dal ei medal, gydag arth coala fechan yn y llun hefyd

Laura Jones yn Rottnest

Llun: Laura Jones

Mae’r rhedwraig, Laura Jones, yn agos at gyrraedd ei nod o redeg mewn saith marathon mewn un flwyddyn, a hynny wedi iddi gwblhau ei phedwaredd ras yn Awstralia yr wythnos ddiwethaf.

Fe gwblhaodd y rhedwraig 29 oed, sy’n wreiddiol o Abertawe, farathon Rottnest mewn pump awr a 57 munud, a hynny er gwaethaf y tymheredd o 30C.

Mae Laura Jones eisoes wedi cwblhau marathonau Llundain, Everest a Phatagonia, ac wrth redeg Marathon Ynys Rottnest, roedd hi’n gobeithio maeddu’r record y gosododd iddi’i hun yn Llundain, sef pump awr. Ond fe gafodd ei harafu gan y gwres.

Mae Marathon Rottnest yn golgyu rhedeg pedwar lap o gwmpas yr ynys sydd nepell o Perth yng ngorllewin Awstralia.

Tywydd “amhosibl”

Dywed Laura Jones i’r tywydd ei gwneud yn “amhosibl” iddi redeg yn gyflym, yn enwedig gan nad yw yn “gyfarwydd” a’r poethder.

“Roedd yr haul yn greulon”, meddai, “ac roedd y ffaith bod y cwrs yn darmac bron i gyd yn rheiddiogi’r poethder hyd yn oed yn fwy.”

Eto i gyd, mae’n “edrych ymlaen” at ei phumed ras, sef Marathon Seattle yn yr Unol Daleithiau ar Dachwedd 26.

“Rwy’n edrych ymlaen am ychydig o aer cŵl i redeg ynddo”, meddai eto.

“Mae yna siawns go dda y bydd hi’n oer ac yn damp. Mae hynny’n fy siwtio i’n well, cyn belled nad yw hi’n bwrw glaw yn drwm.”

Wrth redeg, mae Laura Jones yn codi arian i ddwy elusen penodol, sef Sefydliad Johnny Wilkinson a’r Sgowtiaid, ac yn barod mae hi wedi codi dros £3,100 – sef 30% o’i tharged.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd