Sêr beicio y dyfodol yn gorffen ar y Tymbl

Diweddarwyd am  


Taith o gwmpas Cymru (Llun: Guy Swarbrick)
Fe fydd tref Brynmawr yn llawn bwrlwm dros y penwythnos wrth i daith o amgylch Cymru y beicwyr ifanc ymweld â’r ardal. 

Fe fydd cant o feicwyr ifanc gorau’r wlad yn cystadlu mewn pum cymal dros 215 o filltiroedd.

Mae’r ras sy’n cael ei chynnal dros benwythnos Gŵyl y Banc yn dechrau gyda’r ras yn erbyn y cloc nos Wener (heno, Awst 25) ar Sgwâr y Farchnad, Brynmawr, ac yn gorffen ar y Tymbl, un o’r ddringfeydd enwocaf de Cymru.

Mae’r ddringfa wedi bod yn rhan o sawl digwyddiad dros y blynyddoedd, yn cynnwys Taith Prydain, ac mae’n rhan annatod o Felothon Nghymru bob blwyddyn.

“Gyda’r cymal cyntaf yn symud  o ddydd Sadwrn i nos Wener, mae’n gyfle gwych i hybu Brynmawr a’r cyffiniau,” meddai trefnwr y digwyddiad, Richard Hopkins. “Bydd y cefnogwyr yn gallu gweld sêr dyfodol y byd seiclo yn dechrau ar eu gyrfaoedd. Dydan ni, fel tref, ddim yn gallu aros.”

Mae’r ras yn ei 37ain flwyddyn ac mae wedi bod yn allweddol yn tanio gyrfaoedd nifer o feicwyr talentog yn cynnwys Geraint Thomas, Dan Martin, Mark Cavendish, Alex Dowsett ac Owain Doull.

Scott  Davies

Mae enillydd y ras yn 2013, Scott Davies, wedi mynd o nerth  i nerth yn ennill pencampwriaeth o  dan-23 Prydain dair gwaith yn olynol – ac mae o ar hyn o bryd yn rasio yn Ffrainc yn y Tour de l’avenir.

“Mae newyddion gwych bod y ras yn cael ei estyn i bum cymal, yn sicr bydd yn galetach, a phwy bynnag bydd yn ennill bydd yn cael hyder am y dyfodol,” meddai Scott Davies.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd