Marwolaeth bocsiwr: ‘Cwestiynau i’w hateb’

 


Mae’r cyn-ddyfarnwr bocsio Wynford Jones wedi dweud wrth Golwg360 fod cwestiynau i’w hateb yn dilyn marwolaeth y bocsiwr Mike Towell yn dilyn gornest ddiwedd yr wythnos diwethaf.

Bu farw Towell yn yr ysbyty ddydd Gwener yn dilyn gornest â’r Cymro Dale Evans yn yr Alban nos Iau.

Dywedodd ei bartner ei fod e wedi bod yn dioddef o bennau tost yn ystod yr wythnos – rhywbeth y mae Wynford Jones yn credu sy’n anodd i’w guddio oddi wrth yr awdurdodau.

Dywedodd wrth Golwg360: “Mae e mor anffodus fod rhywbeth fel hyn yn digwydd yn y byd bocsio. Mae’r gamp yn un galed iawn, mae’n anfaddeugar.

“Ond mae angen ateb cwestiynau. Clywes i sôn fod Mike yn diodde o migraine dros yr wythnos. Does dim posib cuddio rhywbeth fel’na o’r meddygon yn ystod medical.”

Ychwanegodd fod pwysau Towell wedi amrywio’n ormodol cyn yr ornest, ac y dylid fod wedi ymateb i’r sefyllfa honno ar y pryd hefyd.

“Darllenais i yn y Times fod e ddau bwys a chwarter dros y pwysau ac awr yn hwyrach, daeth e fewn un pwys o dan 10 stôn 7. Mae colli pwysau fel’na yn golygu bod rhywbeth wedi mynd ymlaen.

“Mae eisiau atebion o’r rheolwr a’r hyfforddwr ynghylch y sefyllfa. Pan mae damweiniau’n digwydd yn y sgwâr, y bocsiwr sy’n cael y bai.”

Ychwanegodd na ddylai’r ornest fod wedi cael ei chynnal yn sgil y pennau tost yn y lle cyntaf.

“O’dd problem yn y cefndir fynna. Mae’n bosib fod rhywbeth wedi digwydd tra ei fod e’n paratoi.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn