Owain Doull: o’i fedal aur at dîm Sky

 


Owain Doull (Llun: Wikipedia/Jeremy Jannick)
Mae Tîm Sky wedi cyhoeddi heddiw bod y Cymro Cymraeg, Owain Doull, yn ymuno â nhw’n swyddogol y flwyddyn nesaf.

Daw’r cadarnhad swyddogol heddiw, er bod sïon wedi bod ar led am y trosglwyddiad ers mis Mai.

Fe fydd y seiclwr 23 oed yn gadael Tîm Wiggins ac ymuno’n llawn â Thîm Sky yn 2017, a bydd yn cymryd rhan mewn ambell ras i’w dîm newydd yn ystod gweddill y tymor eleni.

Owain Doull ydy’r Cymro Cymraeg cyntaf erioed i ennill medal aur yn y Gemau Olympaidd, a hynny fel aelod o bedwarawd yr ymlid beics yn Rio de Janeiro yr wythnos diwethaf.

‘Swreal’

“Mae wastad wedi bod yn freuddwyd ers pan oeddwn i’n fachgen i geisio ymuno â Sky,” meddai Owain Doull.

“Felly, mae bod mewn man lle dw i ar fin dechrau rasio gyda’r tîm, ac yna ymuno â’r tîm yn swyddogol yn 2017 yn eithaf swreal.”

Dywedodd Syr Dave Brailsford, Prif Swyddog Tîm Sky, “mae Owain wedi perfformio’n wych yn gyson ar y trac ac ar y ffyrdd ac rydym yn credu fod ganddo’r potensial i fod yn rhan bwysig o’r tîm.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd