Chris Coleman yn colli ei swydd yn Tsieina

 
Rheolwr Cymru, Chris Coleman, yn dathlu ar ôl i Gymru sichrau ei lle yn rowndiau cynderfynol Ewro 2016

Chris Coleman

Llun: Cymdeithas Bêl-droed Cymru

Mae Chris Coleman wedi cael ei ddiswyddo gan glwb pêl-droed Hebei China Fortune, a hynny 11 mis ar ôl iddo gael ei benodi’n rheolwr.

Mewn neges ar y cyfryngau cymdeithasol, mae’r clwb yn Tsieina wedi cadarnhau na fydd Chris Coleman bellach yn ei arwain yn dilyn “trafodaethau cyfeillgar” rhwng y ddwy ochr.

Mae cyn-hyfforddwr Cymru wedi cael cyfnod anodd yn Tsieina, wedi i’r clwb golli chwech allan o naw gêm y tymor hwn.

Yn ystod y gêm yn erbyn Henan Jianye, pan gollodd Hebei China Fortune o 3-2, fe welwyd baner yn adrodd: “Helo Mr Coleman, ewch adre!”

Amddiffyn enw da Chris Coleman

Mae gwraig Chris Coleman, Charlotte, wedi amddiffyn enw da ei gŵr ar Twitter yn sgil y cyhoeddiad am ei ddiswyddiad.

“Mae ein cyfnod yn Tsieina wedi dod i ben,” meddai. “Roedden ni wedi gobeithio gadael cyn bod y tymor yn cychwyn ond doedd dim hawl ganddon ni, a hynny ar ôl colli chwaraewyr a chael ein hatal rhag arwyddo chwaraewyr newydd,” meddai’r gyn-gyflwynwraig.

“Dw i’n hynod falch o’m gŵr a arweiniodd y clwb mewn brwydr galed  i’r chweched safle y tymor diwethaf o dan amgylchiadau anodd.

“Rydyn ni wedi cael profiad anhygoel ac mae fy mhlant hyd yn oed yn gallu siarad ychydig o Tsieinieg.”

Chwaraeon

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd