Lewis Hamilton yn “maddau” i’w athrawon “llai na chefnogol”

 

Lewis Hamilton

Llun: Morio CC4.0 trwy Gomin Wicimedia

Mae’r gyrrwr Fformiwla 1, Lewis Hamilton, yn dweud ei fod wedi maddau i’r athrawon hynny oedd yn ei amau yn yr ysgol.

Mae’r dweud ei fod bellach wedi dod dros y sylwadau “na fyddai byth yn gwneud dim ohoni” y bu’n rhaid iddo eu cymryd tra’r oedd yn jyglo ei addysg a’i ymdrechion i wneud marc yn y byd chwaraeon.

Mae Lewis Hamilton yn dweud iddo gael gwybod yn 17 oed ei fod yn diodde’ o dyslecsia, a bod hynny’n un rheswm pam ei fod wedi “stryglan” yn yr ysgol. Mae hefyd yn dweud iddo gael ei fwlian oherwydd hynny, a bod yr athrawon “yn llai na chefnogol” bryd hynny.

“Mae yna bob amser bobol sy’n barod i weld bai,” meddai’r gyrrwr mewn cynhadledd addysg yn Dubai. “Pan o’n i’n yr ysgol, dw i’n meddwl fod ymateb athrawon yn adlewyrchiad o’r amser caled oedd athrawon yn ei gael bryd hynny.

“Felly dw i’n maddau i fy athrawon. Gobeithio eu bod nhw’n fy ngwylio i heddiw, a’u bod nhw’n falch ohona’ i. Oherwydd, er fy mod i wedi cael ambell i brofiad oedd yn anodd iawn i mi ei dderbyn, roedd fy athrawon, ar y cyfan, yn help i mi… gobeithio eu bod nhw mewn lle gwell heddiw.”

Fe gafodd Lewis Hamilton ei fagu ar stad o dai cyngor yn Stevenage, ac roedd cefnogaeth ei dad yn allweddol i’w lwyddiant yn y byd rasio.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd