RSS

Golwg360

MwyCau 

Hogyn o Port yn arwyddo i Wrecsam

Chwefror 17, 2017 11:14


Leo Smith
Mae Leo Smith, chwaraewr canol cae 18 oed o Borthmadog, wedi arwyddo ei gytundeb proffesiynol cyntaf gyda Wrecsam.

“Rydan ni gyd yn y clwb yn falch iawn dros Leo, Cymro Cymraeg,” meddai Spencer Harris. “Mae’n chwaraewr cyffrous iawn ac mae ganddo ni obeithion mawr iddo yn y dyfodol, os bydd yn datblygu fel y disgwyl bydd yn rhan allweddol o’r tîm cyntaf am yn hir iawn.”

“Rwyf yn hynod o falch,” meddai Leo Smith wrth golwg360. “Rwyf yn hapus iawn dros fy hun ond yn enwedig fy nheulu sydd wedi fy nghefnogi i bob cam, rwy’n edrych ymlaen at y dyfodol.

“Mi gefais flas o’r tîm cyntaf yn ddiweddar gan chwarae  12 gêm. Mae hi i fyny fi i frwydro rŵan am le yn un ar ddeg cyntaf y rheolwr.”

Ymestyn cytundeb rheolwr Wrecsam

Mae Wrecsam wedi cyhoeddi bod eu rheolwr Dean Keates wedi arwyddo cytundeb tair blynedd a hanner gyda’r clwb.

Mi chwaraeodd dros 150 o gemau i Wrecsam fel capten.

Mae ganddo ugain mlynedd o brofiad yn y byd pêl-droed, ac mae wedi ennill dyrchafiad chwe gwaith gyda thri chlwb gwahanol.

Dywedodd Spencer Harris, Cyfarwyddwr y Clwb: “Mae estyn cytundeb Dean yn newyddion gwych i ni. Mewn cyfnod bur mae’n barod wedi rhoi stamp ei hun ar y tîm, gyda’i staff hyfforddi gwych maen nhw wedi dod a ni i’r gêm fodern o ran hyfforddi a datblygu chwaraewr. Rydan ni yn credu mai‘r dull hyn yw’r ffordd ymlaen i’r clwb. Mae Dean yn ‘nabod y clwb a deall gobeithion y cefnogwyr.”

Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.