Y Bala 2–1 Airbus 
Sgoriodd Anthony Stephens ddwy gôl ar Faes Tegid brynhawn Llun wrth i’r Bala drechu Airbus.
Llwyr reolodd Airbus chwarter cyntaf y gêm ond Y Bala aeth ar y blaen yn erbyn llif y chwarae wedi hanner awr.
Anelodd Mark Connolly gic rydd beryglus i’r cwrt cosbi a pheniodd Stephens heibio James Coates yn y gôl.
Felly yr arhosodd hi tan hanner amser ond daeth Ryan Wade yn agos iawn at unioni pethau’n gynnar yn yr ail gyfnod ond crymanodd ei ergyd yn erbyn y postyn.
Yn y pen arall, arbedodd James Coates beniad Dave Artell cyn i Ashley Morris yn y gôl i’r Bala wneud arbediad gwych i atal Tony Gray.
Cafodd Gray gyfle arall dri munud o ddiwedd y naw deg yn dilyn gwaith da Andy Jones a daeth o hyd i gefn y rhwyd y tro hwn.
Byddai pwynt yr un wedi bod yn ganlyniad teg ond roedd drama hwyr i fod wrth i Stephens rwydo o’r smotyn yn dilyn trosedd Jordan Barrow ar Kieran Smith.
2-1 y sgôr terfynol felly o blaid y Bala.
.
Y Bala
Tîm: Morris, Valentine, Stephens, Artell, Irving, Murtagh, Connolly (Hunt 69’), Jones, Pearson, Sheridan (Thompson 54’), Smith
Goliau: Stephens 30’, [c.o.s.] 90’
.
Airbus
Tîm: Coates, Pearson, Williams (Lee Owens 46’), Field, Budrys, McGinn (Evans 82’), Wade, Barrow, Gray, Jones, Fraughan (Murphy 67’)
Gôl: Gray 87’
Cerdyn Melyn: Williams 29’
.
Torf: 404
