Gatland yn enwi 31 ar gyfer carfan Cymru

Warren Gatland (llun: Joe Giddens/PA)
Mae prif hyfforddwr tîm rygbi Cymru, Warren Gatland, wedi enwi’r 31 o ddynion a fydd yn ei garfan ar gyfer twrnameint cwpan y byd.

Er bod capten Cymru, Sam Warburton, yn eu plith, dywed Gatland na fydd lle neb yn sicr mewn unrhyw gêm.

“Fe fyddwn ni’n dewis y tîm gorau ar gyfer pob gêm y byddwn ni’n ei chwarae,” meddai, gan awgrymu y gallai Justin Tipuric gapteinio rhai o’r gemau wrth ganmol ei berfformiad yn y gêm yn erbyn Iwerddon ddydd Sadwrn.

Mae dewis Gatland yn golygu bod saith chwaraewr o’i garfan hyfforddi wedi cael eu gollwng: Kristian Dacey, Ross Moriarty, Eli Walker, Tyler Morgan, Gareth Anscombe, Scott Andrews a Rob Evans.

“Roedd rhai o’r penderfyniadau ar dafliad ceiniog,” meddai Gatland. “Mae’n siom fawr i’r chwaraewyr sydd heb gael eu dewis. Ond rhaid derbyn mai dyna yw natur chwaraeon proffesiynol a rhaid i ni wneud y dewisiadau sy’n iawn yn ein barn ni.”

Y garfan yn llawn

Leigh Halfpenny

Liam Williams

George North

Alex Cuthbert

Hallam Amos

Matthew Morgan

Scott Williams

Jamie Roberts

Cory Allen

Dan Biggar

Rhys Priestland