Glyn Houston – “cariad cyntaf Joan Collins” – wedi marw yn 93 oed

Diweddarwyd  

Glyn Houston

Llun: Wicipedia

Bu farw’r actor Glyn Houston ddydd Sul (Mehefin 30). Roedd yn 93 oed ac wedi treulio bron i saith degawd yn actio ar lwyfannau ac ar sgrin.

Yn dilyn cyfnod yn yr Ail Ryfel Byd, ble byddai’n gwneud stand-yp i’w gyd-filwyr, fe ddaeth Glyn Houston o Glydach yn adnabyddus i’r byd ehangach yn y 1950au.

Fe ymddangosodd ar y sgrin am y tro cyntaf yn ffilm The Blue Lamp yn 1950 a chwaraeodd rannau amrywiol mewn dros 80 o ffilmiau yn ystod ei yrfa.

Bu’n gweithio ym myd radio a theatr hefyd, a daeth yn seren ar y teledu o’r 1960au i’r 1990au.

Ef oedd cariad ar-sgrin cyntaf yr actores Joan Collins ar ei ffilm gyntaf yn y sinema yn Turn The Key Softly ac fe weithiodd ochr yn ochr ag enwau fel Clark Gable, Alan Ladd a Lana Turner.

Yn yr 1970au fe ymddangosodd yn y rhaglenni teledu My Good Woman, A Horseman Riding By, Inspector Morse, It Ain’t Half Hot Mum, Minder, Doomwatch yn ogystal ag actio’r cymeriad Det Supt Jones yn Softly, Soflty.

Fe ymddangosodd yn Doctor Who ddwywaith fel Professor Owen Watson.

Ei frawd bach oedd y cyfarwyddwr ffilmiau, Donald Houston, ac fe ddaeth yn ffrindiau agos gydag actorion Cymeieg eraill fel Richard Burton a Stanley Baker.

Fe enillodd Glyn Houston wobr arbennig BAFTA Cymru yn 2008 am ei gyfraniad i’r byd actio.

Theatr

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn