Shane Williams yw seren pantomeim S4C

Diweddarwyd am  


Mae un o sêr amlycaf byd rygbi Cymru yn camu i lwyfan theatr ac i sgrîn S4C y Nadolig hwn i actio mewn pantomeim wedi’i seilio ar ei fywyd.

Mae Shane Williams yn esbonio nad yw wedi bod ar lwyfan ers ei gyfnod yn yr ysgol ond ei fod yn edrych ymlaen at y cynhyrchiad, Shane a’r Belen Aur, fydd yn codi arian at ddwy elusen ganser – CLIC Sargeant a Felindre (Canolfan Ganser Cymru).

“Sa’ i wedi gwneud rhywbeth fel hyn o’r blaen, mae e tamed bach mas o comfort zone fi. Mae chwarae o flaen miloedd o bobol yn rhwydd o gymharu â hwn,” meddai wrth golwg360.

Er hyn, mae’r cyn-asgellwr yn cydnabod ei bod yn deimlad “sbeshal i gael panto am fy mywyd i.”

‘Dewin’

Mae’r pantomeim wedi’i ysgrifennu gan y digrifwr Tudur Owen, sy’n esbonio fod Shane Williams wedi’i ddisgrifio sawl gwaith yn “ddewin” a “chonsuriwr” ym myd y bêl hirgron.

“Felly roedd ei osod ar lwyfan arallfydol y panto ddim yn ormod o naid,” meddai Tudur Owen wrth golwg360.

“Dw i wedi ceisio glynu at draddodiad y panto traddodiadol wrth adrodd stori Shane, ond wrth reswm mi fydd yna ambell i syrpreis bach annisgwyl yn y stori.”

Y gymuned a’r Gymraeg

Mae Shane Williams wedi dathlu ei ben-blwydd yn ddeugain oed eleni, ac mae bellach wedi rhoi’r gorau i chwarae gyda’i glwb lleol – Yr Aman.

Esbonia ei fod bellach yn canolbwyntio ar heriau triathlon Ironman, yn sylwebu ar y teledu a’r radio ac yn gwirfoddoli i godi arian at elusen ganser Felindre.

“Dw i’n dal i fyw yn ardal Dyffryn Aman ac mae’r plant yn mynd i’r ysgolion lleol,” meddai.

“Mae’n bwysig iawn i wneud pethau fel hyn [y panto] yn y gymuned er mwyn cadw’r iaith Gymraeg i fynd,” meddai wedyn.

Yn rhan o’r cast hefyd mae Tara Bethan, Ieuan Rhys, Rhys ap William, Nigel Owens a Sarra Elgan.

Bydd sioe Shane a’r Belen Aur yn cael ei pherfformio yn Theatr y Dywysoges Frenhinol, Port Talbot ar Dachwedd 22 ac yn cael ei darlledu ar S4C ar noson Nadolig.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd