Byd ‘boncyrs’ drama ffars newydd

 


Dim Byd Ynni, drama ffars (Llun: Theatr Bara Caws)
Mae drama ffars newydd gan gwmni theatr Bara Caws,
Dim Byd Ynni, ar fin mynd ar daith drwy Gymru.

Dyma fydd y ddrama ffars gyntaf i’r actores Christine Pritchard berfformio ynddi ac mae’n esbonio fod cyfleu cyflymder tempo drama ffars yn “dipyn o her”.

“Mae’n fyd hollol newydd,” meddai’r actores sy’n chwarae rhan ‘Ledi Angela Felix’ sy’n wraig i berchennog cwmni ynni mawr yng Nghymru.

“Dw i wedi gwneud tipyn o gomedi ond dyma’r ffars gyntaf i mi wneud,” meddai gan esbonio mai’r prif wahaniaeth rhwng ffars a chomedi yw’r elfen o realiti.

“Mae comedi yn real, ond mae ffars yn cael ei godi i lefelau gwahanol ac mae pethau hollol boncyrs yn digwydd,” meddai wedyn.

Ar daith drwy Gymru

Esboniodd fod y ddrama yn cyffwrdd â sawl thema gan gynnwys stori ditectif am lofruddiaeth.

“Mae ffars yn rhywbeth hollol wallgof, ond mae’n bwysig i gael rhyw elfen o wirionedd a stori naratif ynddi hefyd,” meddai.

Yn rhan o’r ddrama mae’r actorion Rhian Blythe, John Glyn Owen, Iwan John, Rhys Parry Jones a Rhodri Evan. 

Mae Dim Byd Ynni wedi’i hysgrifennu gan y dramodydd Emlyn Gomer ac fe gafodd ei pherfformio gyntaf yn Eisteddfod Genedlaethol Môn yn rhan o ddathliadau theatr Bara Caws yn ddeugain oed.

Bydd y perfformiad cyntaf yn cael ei gynnal nos yfory, Medi 14, yn Galeri Caernarfon a’r ddrama yn parhau ar daith tan Hydref 7.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd