Pontio: mae tyllau yn y to

Diweddarwyd am  


Mae Prifysgol Bangor wedi cadarnhau eu bod nhw wedi galw contractwyr i mewn yr wythnos hon i drafod trwsio tyllau yn nho canolfan gelfyddydau Pontio – a hynny flwyddyn yn unig ers i’r adeilad newydd sbon agor ei ddrysau i’r cyhoedd.

Nos Lun, gyda storm o wynt a glaw trwm yn chwipio y tu allan, roedd dwy fwced felen, a ddefnyddid fel arfer gan lanhawyr, wedi’u gosod ar y grisiau rhwng lloriau 1 a 2 er mwyn dal y diferion dŵr oedd yn dripian o’r to.

Roedd arwyddion melyn ger pob bwced yn rhybuddio cerddwyr rhag llithro ar y llawr, wrth iddyn nhw fynd i gyfeiriad y Stiwdio ar lawr 2.

Mae’r adeilad, ar Ffordd Deiniol ym Mangor, wedi bod yn ddatblygiad dadleuol. Fe gostiodd £49m i’w gwblhau, ond roedd flwyddyn yn hwyr yn agor ei ddrysau’n swyddogol. Fe fu dadlau am fewnforio’r galchfaen ar gyfer yr haen allanol i’r adeilad, ac fe fu’r cwmni adeiladu, Galliford Try, dan y lach ar sawl achlysur.

Chwe mis cyn ei agor, ym mis Ebrill 2015, roedd adroddiadau am lanast dŵr ar waliau a nenfydau’r adeilad, a’r modd yr oedd grisiau, ystafelloedd dan ddaear, ynghyd â sinema’r adeilad wedi’u difrodi gan ddŵr.

“Mae’r mater yn derbyn sylw a rydym yn trafod efo’r contractwyr,” meddai llefarydd ar ran Prifysgol Bangor wedi i golwg360 gysylltu â nhw am y mater yr wythnos hon.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018