Cynhyrchiad newydd Arad Goch yn ‘deffro’r synhwyrau’

 


Eddie Ladd a Ffion Wyn Bowen yn ystod ymarferiad o Oes Rhaid i Mi Ddeffro?
Mae cynhyrchiad newydd Arad Goch yn addo deffro’r synhwyrau a “thorri tir newydd” ym maes theatr i blant yng Nghymru.

‘Oes Rhaid i Mi Ddeffro?’ yw cynhyrchiad cyntaf Arad Goch yn 2015 ac mae wedi selio ar ddau gymeriad a cherddor sy’n byw ym myd y breuddwydion ble mae unrhyw beth yn bosibl.

Mae’r ddrama, sy’n cysylltu coreograffi cyfoes Eddie Ladd a cherddoriaeth gwerin yr 18fed Ganrif, wedi ei sgwennu i gynulleidfa rhwng 3 a 7 oed.

Yr actorion Ffion Wyn Bowen a Mark Roberts fydd yn perfformio’r ddrama tra bod y gwaith coreograffi dan arweiniad Eddie Ladd a bydd y gerddoriaeth yn cael ei berfformio’n fyw ar y ffidil gan Mari Morgan, merch ifanc sydd newydd raddio gyda MA mewn Cerddoriaeth Draddodiadol Gymreig ym Mhrifysgol Bangor.

Meddai Jeremy Turner, cyfarwyddwr artistig Cwmni Theatr Arad Goch a chyfarwyddwr y cynhyrchiad: “Mae’r elfen ryngweithiol wedi dangos i’r byd nad yw Cymru yn ofni mentro i ddatblygu syniadau newydd a chyfoes ym myd theatr i blant.

“Dyma’r tro cyntaf erioed i Arad Goch gydweithio gyda choreograffydd i ddyfeisio darn corfforol ac mae’r cyfuniad o ddawns gyfoes a cherddoriaeth draddodiadol yn torri tir newydd ym maes theatr i blant yng Nghymru.

“Mae rhywfaint o sgript ynddi, a rheiny’n eiriau sydd wedi dod o ganlyniad i sgwrsio gyda phlant, ond y corff a’r gerddoriaeth yw’r prif elfennau sy’n cyflwyno’r stori y tro hwn.”

Bydd ‘Oes Rhaid i Mi Ddeffro?’ yn teithio i ysgolion cynradd Ceredigion, Sir Gâr a Sir Benfro o’r 26 Ionawr nes 27 Mawrth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018