Marw’r actor William Simons, a gafodd ei eni yn Abertawe

Diweddarwyd am  
William Simons

William Simons

Llun: Wikipedia

Mae’r actor William Simons, a gafodd ei eni yn Abertawe yn ystod yr Ail Ryfel Byd, wedi marw’n 79 oed.

Roedd yn fwyaf adnabyddus am chwarae’r cymeriad PC Alf Ventress yn Heartbeat ar ITV, gan ymddangos ym mhob cyfres rhwng 1992 a 2010.

Ar ôl dechrau ffilmio’r gyfres, fe symudodd e a’i wraig, Janie, i bentref Goathland yn Swydd Efrog, lle cafodd cryn dipyn o’r cyfresi eu ffilmio.

Cafodd ei eni yn Abertawe, gan fentro i’r llwyfan am y tro cyntaf yn ddeg oed, ac fe aeth yn ei flaen i gael gyrfa lwyddiannus ar y sgrîn am chwe degawd.

Fe fu’n rhannu llwyfan â nifer o actorion blaenllaw yn ystod ei blentyndod, gan gynnwys Bill Owen a Dinah Sheridan.

Yn oedolyn, roedd yn aelod o gwmni theatr The Stables, cwmni a gafodd ei sefydlu ym Manceinion gan Granada Television.

Ymhlith y cyfresi cynharaf yr ymddangosodd ynddyn nhw mae Coronation Street a Crown Court.

Ymddangosodd mewn nifer o gyfresi eraill, gan gynnwys Last of the Summer Wine, Bergerac, Lovejoy a The Darling Buds of May.

Bu farw ei wraig gyntaf, Janie, yn 2002, ac mae’n gadael ei ail wraig, Jackie.

Roedden nhw’n treulio cryn dipyn o’u hamser yn eu cartref yn Ffrainc.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn