“Mae’n hyfryd bod yn ôl” meddai Ioan Gruffudd

Diweddarwyd am  
Ioan Gruffudd, BAFTA Cymru

Ioan Gruffudd yn ystod noson gwobrau BAFTA Cymru

Llun: BAFTA Cymru / Shutterstock

Mae’n “hyfryd bod yn ôl” yng Nghymru, meddai Ioan Gruffudd wrth golwg360 ar ddiwedd noson gwobrau BAFTA Cymru yng Nghaerdydd.

Daeth yr actor Hollywood adref ar gyfer y seremoni yn Neuadd Dewi Sant, Caerdydd, lle cafodd ei enwebu ar gyfer gwobr yr Actor Gorau am ei bortread o’r cymeriad Andrew Earlham yn Liar.

Aeth y wobr honno, yn y pen draw, i Jack Rowan am bortreadu’r cymeriad Sam Woodford yn y gyfres Born to Kill.

‘Cenedl fach… ond cymaint o dalent’

Er ei siom bersonol o fethu â chipio un o brif wobrau’r noson, mae Ioan Gruffudd yn dweud fod Cymru’n genedl fach gyda “shwd gymaint o bobol dalentog”.

“Mae nifer o fy ffrindiau wedi bod yma ac wedi ennill heno, felly dw i wrth fy modd drostyn nhw, ac yn falch iawn o fod yma i ddathlu ein diwylliant a’n diwydiant yng Nghymru, felly mae’n grêt i fod yn ôl.

“Be’ sy’n anghredadwy yw bod ni’n genedl mor fach, ond r’yn ni’n dathlu shwd gymaint o bobol dalentog.

“Mae’n bleser i fod ar y llwyfan gyda shwd gymaint o dalent.”

‘Aduniad’

Dywedodd fod dychwelyd i Gymru ar gyfer y seremoni wedi bod “fel aduniad” iddo, ac yntau bellach yn byw yn yr Unol Daleithiau.

“Mae cynifer o bobol dw i wedi gweithio gyda nhw neu’n ffrindiau gyda nhw sydd wedi ennill neu wedi’u henwebu heno.

“Dw i’n falch iawn o gael bod yn rhan o’r cyfan ac o fod ar y llwyfan i gychwyn y cyfan, ac mae’n teimlo fel ‘mod i wedi bod yn siarad byth ers hynny. Mae’n sicr y bydda i wedi colli fy llais erbyn y bore!

“Nid yn aml dw i’n cael dod adre’ erbyn hyn, oherwydd mae fy mywyd teuluol yn Los Angeles, felly mae gwefr bob tro dw i’n dod adre’, yn enwedig mewn digwyddiad fel hwn, gan ‘mod i’n cael cyfle i ddal lan gyda phobol, hyd yn oed am bum munud.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018