S4C yn troi’n felyn i Geraint Thomas

Diweddarwyd am  
S4C melyn

S4C yn troi’n felyn i ddathlu buddugoliaeth Geraint Thomas

Llun: S4C

Mae S4C wedi troi’n felyn heddiw i ddathlu llwyddaint y seiclwr Geraint Thomas yn ras feics Tour de France.

Bydd y Cymro’n cael ei goroni’n bencampwr ar ddiwedd y cymal olaf heddiw, sy’n gorffen ym Mharis.

Y seiclwr o Gaerdydd yw’r Cymro cyntaf erioed i ennill ras y dynion.

Arlwy S4C

Ar ôl ymestyn y darllediad byw o’r ras, mae nifer o lwyfannau’r sianel wedi troi’n felyn i ddathlu, o bosib, y llwyddiant mwyaf erioed i seren chwaraeon yng Nghymru.

Mae logo S4C ar y cyfryngau cymdeithasol wedi troi’n felyn heddiw, gan newid o’r gwyrddlas arferol – y tro cyntaf i hynny ddigwydd ers cystadleuaeth bêl-droed Ewro 2016, wrth i Gymru gyrraedd y rownd gyn-derfynol.

Ac mae clipiau byrion o Geraint Thomas yn gwisgo crys melyn arweinydd y ras yn cael eu dangos yn ystod hysbysebion rhwng rhaglenni’r sianel.

Mae S4C wedi bod yn darlledu’r cyfan o Baris – o 3 o’r gloch y prynhawn yma tan 9.30 heno.

‘Anodd rhoi mewn geiriau’

Dywedodd cyflwynydd cyfres Seiclo S4C, Rhodri Gomer, “Mae hi’n anodd rhoi mewn geiriau sut bydd ennill Tour de France yn newid bywyd Geraint Thomas.

“Gwrddes i a Geraint wythnos cyn y daith i ddymuno pob lwc iddo, edrychodd arna’i gan wenu. O’r dechrau hyderus yna, dwi’n credu bod Geraint lan yno fel ffefryn i ennill. Ers hynny, dyw e ddim wedi rhoi un troed o chwith ac wedi cadw ar ei feic a reidio’n berffaith.

“Mae’n anodd rhoi mewn geiriau beth fydd ennill y ras yma yn ei olygu i Geraint ac i Gymru. Dyma fydd y camp fwyaf erioed i unrhyw athletwr o Gymru.”

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd