‘The Avengers: Infinty War’ yn gosod record newydd

Diweddarwyd am  
Llun o logo 'The Avengers: infinity War'

Llun o logo ‘The Avengers: Infinity War’

Wikimedia Commons CCAA 4.0

Mae’r ffilm The Avengers: Infinity War wedi gosod record newydd yn yr Unol Daleithiau, gan sicrhau gwerthiant tocynnau o $250m  (£181.5m) yn ystod ei phenwythnos cyntaf mewn sinemâu.

Mae hynny’n golygu ei fod wedi maeddu Star Wars: The Force Awakens fel y ffilm sydd wedi gwerthu’r nifer fwyaf o docynnau yn ystod ei phenwythnos cyntaf yn y wlad.

Ond yn ôl lefelau chwyddiant, mae’r ffilm Star Wars, a gafodd ei rhyddhau yn 2015, yn dal i fod ar frig y rhestr, wedi iddi werthu gwerth $260m (£188.5m) o docynnau yn ystod ei phenwythnos cyntaf, yn ôl arian heddiw.

Record byd         

Yn ôl amcangyfrif Disney – y cwmni sy’n gyfrifol am y ffilm Marvel ddiweddaraf – mae disgwyl iddi osod record newydd yn y farchnad ryngwladol hefyd, a hynny gyda gwerthiant o $630m (£457m).

Daw’r amcangyfrif hwn er gwaetha’r ffaith nad yw’r ffilm wedi’i rhyddhau yn Tseinia eto.

Os yw’r rhagolygon hyn yn iawn, mi fydd y ffilm yn maeddu record The Fate of  The Furious, a gafodd ei rhyddhau yn 2017, gan sicrhau gwerthiant tocynnau gwerth £457m.

Ffilm fawr

Mae’n debyg bod The Avengers: Infinity War, wedi costio tua £217.7m i’w chynhyrchu, a hynny dros gyfnod o 18 mis.

Mae’n cynnwys actorion enwog fel Robert Downey Jr. (‘Iron Man’), Chris Hemsworth (‘Thor’), Chadwick Boseman (‘Black Panther’), Chris Evans (‘Captain America’) a Mark Ruffalo (‘The Hulk’).

Mae disgwyl i ail ran y ffilm gael ei rhyddhau yn ystod yr haf y flwyddyn nesaf.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd