Honiadau yn erbyn Michael Douglas “wedi ypsetio” ei wraig a’i blant

 

Michael Douglas

Llun: David Shankbone CC 3.0 trwy Commons Wikipedia

Mae’r actor, Michael Douglas, wedi datgelu bod yr honiadau am ei ymddygiad rhywiol dros 30 o flynyddoedd yn ôl wedi “ypsetio” ei wraig Catherine Zeta Jones a’u plant, Dylan a Carys.

Mae’r Americanwr yn briod â’r Gymraes o Abertawe ers 2000, ac mae ganddyn nhw ddau o blant.

Yn ôl adroddiadau, mae’r actor wedi trafod yr honiadau cyn iddyn nhw ddod yn gyhoeddus, gan ddweud ei fod yn teimlo bod angen “achub y blaen” ar gyn-weithwraig, sy’n honni ei fod e wedi cyflawni gweithred rywiol tra ei bod hi’n bresennol.

Mae hi hefyd yn honni iddo ddefnyddio “iaith liwgar” – ac mae’n cyfaddef fod hynny’n bosibilrwydd, ond mae’n gwadu’r weithred rywiol honedig, gan ddweud fod y cyfan yn “gelwydd”.

Dywedodd fod ei blant yn gofidio am enw da eu tad yn sgil yr honiadau sydd wedi’u derbyn gan The Hollywood Reporter, ac roedd disgwyl i gylchgrawn Variety eu cyhoeddi hefyd.

Mae lle i gredu bod yr ymddygiad honedig wedi digwydd “tua 32 o flynyddoedd yn ôl”.

‘Wedi’i lorio’

Dywed Michael Douglas ei fod e wedi cael ei “lorio” gan yr honiadau a’r ffaith fod modd eu cyhoeddi “heb eu profi”.

“Mae’n destun poen eithriadol,” meddai. “Dw i’n ymfalchïo yn fy enw da yn y busnes yma, heb sôn am hanes hir fy nhad [yr actor Kirk Douglas] a phopeth arall.”

Ychwanegodd nad oes ganddo fe “ddim byd i’w guddio”, gan ofyn “pam ddiawl fyddai unrhyw un yn gwneud hyn?”

“Y peth gwaethaf oedd wedi peri’r boen fwyaf oedd gorfod rhannu rhywbeth fel hyn gyda’ch gwraig a’ch plant.

“Mae fy mhlant wedi ypsetio go iawn, ac yn gorfod mynd i’r ysgol gan boeni bod hyn yn mynd i fod mewn rhyw erthygl amdana i a ’mod i’n aflonyddwr rhywiol.

“Maen nhw’n llawn ofn ac yn anghyfforddus iawn.”

Dywedodd ei fod yn “ddiolchgar” am gefnogaeth ei wraig a’i blant, a bod y cyfan yn “hunllef”.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn