Pobol y Cwm yn rhoi sylw i fater rhoi organau

 
Aren Cymru

Aren Cymru

Logo Aren Cymru (www.kidneywales.cymru)

Fe fydd cyfres boblogaidd S4C, Pobol y Cwm yn rhoi sylw i roi organau yn y bennod Nadoligaidd o’r opera sebon eleni.

Bydd y bennod yn rhoi sylw i hanes Mark Jones, sy’n clywed bod angen iddo dderbyn ail aren yn rhodd neu fod ar ddialysis am weddill ei oes.

Fe gafodd aren gan ei chwaer Stacey yn y gorffennol ac erbyn hyn, mae disgwyl iddo dderbyn ail aren gan ei hanner chwaer newydd, Non (Gwawr Loader).

Mae’r Athro Roy J Thomas o Aren Cymru wedi croesawu’r sylw i’r pwnc, gan ddweud bod “y stori hon yn arbennig o bwysig ar gyfer codi ymwybyddiaeth yn ein 50fed mlynedd o weithio gyda chleifion”.

“Mae byw gyda chlefyd ar yr arennau yn her enfawr i’r rheiny sy’n dioddef pan yr unig driniaeth sydd ar gael ar y diwedd yw dialysis neu drawsblaniad.

“Mae Aren Cymru ar hyn o bryd yn gweithio gyda’r rhai sy’n cael eu heffeithio ac yn edrych yn arbennig ar yr effaith ar iechyd meddwl rhywun sy’n byw gyda chlefyd ar yr arennau.”

‘Siglo teulu’r Jonesiaid i’r bôn’

Mae Arwyn Jones, sy’n chwarae’r cymeriad Mark, wedi cyfaddef y bydd y stori’n “siglo teulu’r Jonesiaid i’r bôn”.

Ac mae cynhyrchydd y gyfres, Llyr Morus wedi cyfaddef ei fod yn nerfus ar drothwy’r bennod.

 

 

“Mae penodau Dydd Nadolig wastad yn bleser i’w cynhyrchu, ond mae llawer yn y fantol hefyd. Mae cymaint o benodau Nadolig cofiadwy o Pobol y Cwm wedi bod dros y blynyddoedd, mae yna ddisgwyliad o hyd.

“Eleni, mae nifer o straeon cryf yn codi i’r wyneb o amgylch y Nadolig, ac maen nhw’n barod i ffrwydro. Alla’i ddim datgelu llawer heb ddifetha’r hwyl – ond gallaf ddweud y bydd un cymeriad yn ymladd am ei fywyd erbyn diwedd y bennod.

“Daw nifer o densiynau eraill rhwng cymeriadau i ben llanw; bydd golygfeydd anarferol ar y Stryd Fawr ac mae’n sicr y bydd drama yn y Deri Arms.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018