Un o’r ‘Likely Lads’ wedi marw

Diweddarwyd am  
Mae James Bolam a Rodney Bewes yn pwyso i mewn am ei gilydd mewn sgwrs

Rodney Bewes (ar y dde) gyda James Bolam mewn golygfa o’r comedi, Likely Lads

Llun cyhoeddusrwydd y BBC

Mae’r actor Rodney Bewes – un hanner o The Likely Lads – wedi marw yn 79 oed.

Roedd yn fwyaf adnabyddus am chwarae rhan y cymeriad Bob Ferris yn y gyfres gomedi ochr yn ochr â James Bolam.

Er bod gan y ddau berthynas lwyddiannus ar y sgrîn, roedd yr actorion wedi ffraeo a phrin eu bod nhw wedi siarad am ddegawdau.

Cafodd Rodney Bewes ei eni yn Swydd Efrog ac roedd yn dioddef o asthma yn blentyn.

The Likely Lads

Serch hynny, fe aeth i Lundain i astudio yn RADA a chael rhan mewn sawl ffilm cyn ennill ei le yn The Likely Lads.

Cafodd 20 pennod eu darlledu rhwng 1964 a 1966, ac fe ddychwelon nhw i’r sgrîn yn 1973 mewn cyfres newydd o’r enw Whatever Happened To The Likely Lads, gan ennill gwobr Rhaglen Gomedi Orau’r Flwyddyn.

Fe wnaethon nhw serennu yn y ffilm The Likely Lads yn 1976, y tro olaf i Rodney Bewes a James Bolam gydweithio.

Yn 2010, roedd Rodney Bewes wedi atgyfodi’r ffrae ar ôl dweud bod James Bolam wedi gwrthod rhoi caniatâd ar gyfer ailddarlledu’r gyfres.

Parhaodd gyrfa Rodney Bewes ar y llwyfan yn bennaf.

Bu farw ei wraig Daphne yn 2015, ac mae’n gadael pedwar o blant a dau o wyrion.

 

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd