Rob Brydon a’r ddafad beryglus

Diweddarwyd am  
Dafad ac oen

Dafad (ar y dde) debyg i’r un a gafodd ei hachub – efallai (CC0)

Achub dafad fydd un o’r prif ddigwyddiadau mewn rhaglen deledu gyda’r digrifwr Rob Brydon heno.

Fe fydd y rhaglen yn dangos y Cymro yn crwydro glannau gogledd Cymru gyda’r anturiaethwr Bear Grylls ac yn dod ar draws dafad yn sownd mewn twll.

Mae’n ymddangos bod y digwyddiad yn brofiad mawr i’r digrifwr sy’n dod yn wreiddiol o Bort Talbot.

‘Cicio a brathu’

Ar y rhaglen Bear’s Mission with Rod Brydon, mae’n dweud bod y ddafad yn beryglus.

“Roedd hwnna’n brofiad. Mae e (sic) yn gryf, mae’n gallu brathu a chicio. Mae Bear yn fy sicrhau y byddai’n sownd yma; dydyn nhw ddim yn dod mas ar eu pen eu hunain, felly r’yn ni wedi gwneud ffafr iddo.”

Hyd y gŵyr Golwg360, doedd gan y ddafad ddim sylw i’w wneud.

Trafod ei yrfa

Yn ogystal â’r ddafad, fe fydd seren Gavin a Stacey hefyd yn trafod ei yrfa a sut y daeth llwyddiant i’w ran yn gymharol hwyr.

Mae’r rhaglen yn cael ei dangos ar ITV heno.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd