Cyhoeddi pobyddion y Bake Off ar ei newydd wedd

Diweddarwyd  


Mae’r deuddeg enw fydd yn cymryd rhan yn y gyfres deledu boblogaidd,
The Great British Bake Off, wedi’u cyhoeddi.

Bydd y cystadleuwyr yn rhan o’r rhaglen ar ei newydd wedd wrth iddi symud o’r BBC i Channel 4.

Er hyn, nid oes yr un cystadleuydd yn dod o Gymru eleni – ac mae’r cystadleuwyr yn cynnwys: Kate a Flo o Lannau Merswy, Peter a James o Essex, Julia o Orllewin Sussex, Chris o Fryste, Steven a Stacey o Hertfordshire, Yan a Liam o Lundain, Sophie o Surrey, Tom o Gaeredin.

Ar ei newydd wedd…

Llwyddodd Channel 4 i brynu’r gyfres y llynedd am £25m, a hynny wedi i’r BBC gynnig £15m amdani.

Wedi hynny, cyhoeddodd y cyflwynwyr Mel Giedroyc a Sue Perkins ynghyd â Mary Berry na fydden nhw’n symud gyda’r gyfres.

Er hyn, mae Paul Hollywood yn parhau i feirniadu ar y gyfres ynghyd â’r beirniad newydd, Prue Leith, a’r cyflwynwyr newydd – Sandi Toksvig a Noel Fielding.

Bydd y bennod gyntaf yn cael ei darlledu ddydd Mawrth nesaf (Awst 29) ar Channel 4.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018