Jodie Whittaker: y Doctor Who benywaidd cyntaf erioed

Diweddarwyd  


Jodie Whittaker (Llun: Anthony Devlin/PA Wire)
Jodie Whittaker fydd y Doctor Who benywaidd cyntaf erioed.

Daeth y cyhoeddiad am olynydd Peter Capaldi gan y BBC ar ôl gêm derfynol y dynion yn Wimbledon.

Hi fydd y trydydd doctor ar ddeg ar gyfer y gyfres sy’n cael ei chynhyrchu yng Nghaerdydd, a bydd hi’n ymddangos yn barhaol ar ôl y rhifyn Nadoligaidd eleni.

Roedd Peter Capaldi ymhlith y rhai oedd wedi bod yn galw am ddoctor benywaidd, ond roedd e wedi crybwyll enw Frances de la Tour.

Ond roedd Jodie Whittaker ymhlith y ffefrynnau ar gyfer y rôl, ynghyd â Phoebe Waller-Bridge, Michaela Coel, Tilda Swinton a Natalie Dormer.

‘Dim byd i’w ofni’

Dywedodd Jodie Whittaker na ddylai unrhyw un “ofni” y ffaith mai cymeriad benywaidd fydd y Doctor Who nesaf.

“Mae’n teimlo’n hollol ysgubol, fel ffeminist, fel dynes, fel actor, fel bod dynol, fel rhywun sydd o hyd yn gwthio’i hun ac yn herio’i hun, a pheidio â chael eich cau y tu fewn i’r hyn y dywedir y gallwch chi fod neu na allwch chi fod.

“Mae’n teimlo’n anhygoel.

“Oherwydd mae hwn yn gyfnod cyffrous iawn, ac mae Doctor Who yn cynrychioli popeth sy’n gyffrous am newid.

“Mae’r cefnogwyr wedi byw trwy gynifer o newidiadau, a dim ond un newid newydd, gwahanol yw hwn, ac nid yn un i’w ofni.”

Gyrfa Jodie Whittaker

Daeth Jodie Whittaker i amlygrwydd yn y ffilm Venus ac mae hi wedi cael rhannau blaenllaw yn y ffilmiau St. Trinian’s a St. Trinian’s 2, ac Attack the Block.

Ar y teledu, mae hi wedi ymddangos yn y cyfresi Tess of the D’Urbervilles, Wired, Return to Cranford, Marchlands, Black Mirror, Broadchurch, The Assets a Trust Me.

Llinell amser Doctor Who

Y deuddeg Doctor Who hyd yn hyn yw:

  • William Hartnell (1963-66)
  • Patrick Troughton (1966-69)
  • Jon Pertwee (1970-74)
  • Tom Baker (1974-81)
  • Peter Davison (1982-84)
  • Colin Baker (1984-86)
  • Sylvester McCoy (1987-89)
  • Paul McGann (1996)
  • Christopher Eccleston (2005)
  • David Tennant (2005-2010)
  • Matt Smith (2010-2013)
  • Peter Capaldi (2013- )

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd