RSS

Golwg360

MwyCau 

Ymateb cadarnhaol i gyfarfod cyhoeddus tros S4C

Chwefror 20, 2014 14:12


Roedd Neuadd Haliwell ar gampws Prifysgol y Drindod Dewi Sant yng Nghaerfyrddin dan ei sang neithiwr ar gyfer cyfarfod cyhoeddus am ddyfodol S4C.

Cafodd y cyfarfod ei drefnu gan ymgyrchwyr ‘Yr Egin’, sy’n gobeithio dwyn perswâd ar benaethiaid S4C i symud eu pencadlys i’r dref ac i gampws y Brifysgol.

Ymhlith y rhai oedd yn y cyfarfod neithiwr roedd yr Aelod Seneddol dros Orllewin Caerfyrddin a De Penfro, Simon Hart ac Aelod Seneddol Llanelli, Nia Griffith.

Mae disgwyl penderfyniad ynghylch dyfodol cartref S4C ymhen mis, ac mae canolfan newydd yng Nghaerfyrddin yn un o’r opsiynau sy’n cael eu hystyried.

Yr opsiynau eraill yw symud i rywle arall yng Nghaerdydd, aros yn yr adeilad presennol yn y brifddinas neu gartref newydd yng Nghaernarfon.

Roedd y cynlluniau ar gyfer adeilad newydd sbon gwerth £8.5 miliwn yng Nghaerfyrddin yn cael eu harddangos neithiwr.

Pe bai’r ymgyrch yn llwyddo, fe allai olygu creu hyd at 40 o swyddi newydd yn y dref.

Neithiwr, dywedodd Is-Ganghellor y Brifysgol, Medwin Hughes: “Byddai adleoli’r sianel i Gaerfyrddin yn gwneud gwahaniaeth enfawr i iaith, diwylliant ac economi’r ardal.”

Mewn datganiad yn dilyn y cyfarfod, dywedodd trefnwyr yr ymgyrch eu bod nhw am ddod â “churiad calon Cymru” i Gaerfyrddin.

Roedd nifer sylweddol o’r dorf yn Gymry di-Gymraeg neu’n ddysgwyr, ac mae’r ‘Egin’ wedi sylweddoli pwysigrwydd denu’r gymuned gyfan i fod yn rhan o’r prosiect.

Yn y datganiad, dywedodd yr ymgyrchwyr: “Dyw’r math yma o undod a brwdfrydedd ddim yn digwydd bob dydd, ac mae’n amlwg iawn fod cais Yr Egin yn uno pobl o bob oedran a phob carfan wleidyddol – dim ffiniau, dim rhwystrau, pawb yn cyd-dynnu i geisio cyflawni un nod – denu pencadlys S4C a Chanolfan Greadigol eiconig i’r Gorllewin.

“Fel y clywyd heno, mae’r Gorllewin angen S4C, ac mae S4C angen y Gorllewin.”

Dywedodd Simon Hart ar ei dudalen Trydar y byddai’r prosiect yn hwb i “swyddi, y diwylliant, yr economi a’r iaith gyda’i gilydd”.

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y ddolen ’Nodi camddefnydd’ sy’n ymddangos wrth ymyl pob sylwad. Os bydd dau berson yn anhapus, bydd y neges yn dod yn ôl at Golwg360 i’w ddilysu.


Ychwanegu Sylw

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.


Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.


Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.


Gofynwn yn garedig i bawb ddarllen canllawiau ‘Cyfrannu i elfennau rhyngweithiol Golwg360’ yn ofalus cyn gadael sylwadau ar y gwasanaeth.


Nodi Camddefnydd
Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.