Pys Melyn yn ennill grant Prosiect 2020 Frân Wen

 

Mae’r band Pys Melyn o Ben Llyn wedi ennill grant Prosiect 2020 Cwmni Theatr y Frân Wen.

Roedd Frân Wen yn rhoi cyfle i bobl rhwng 16-25 oed bitsio am gyllideb o £2020 i ddod a’u syniad yn fyw – boed hynny’n theatr, arddangosfa, eitem ar-lein, neu gig.

Pys Melyn ddaeth i’r brig wedi iddynt bitsio syniad o greu “digwyddiad byw creadigol yn ymwneud â newid hinsawdd.”

Dywed Jac Williams, syn chwarae gitâr fas i Pys Melyn wrth golwg360: “Mi ddaru ni glywed amdano fo drwy PYST, ac roedden ni’n gweld cyfle i wneud rhywbeth reit artistig a chreadigol efo’r grant.” 

“Da ni wedi bod yn arbrofi efo elfennau gweledol yn sets ni ers dipyn, felly roedden ni’n meddwl y basa hwna’n avenue da i fynd lawr,” eglura Jac Williams.

“Cynnal gig aml-gyfryngol ydi’r syniad ddaethom ni fyny hefo fo, a chael newid hinsawdd fel thema’n rhedeg drwyddo fo, ond dio ddim am fod rhu in your face, mi fydd o’n fwy artistig ag abstract.”

“Mae criw Pys Melyn mor greadigol”

Un o aelodau’r panel oedd yn penderfynu pwy oedd yn ennill y grant oedd Elan Evans.

Dywedodd hi wrth golwg360 pam mai Pys Melyn ddaeth i’r brig.

“Roedd pob un cyflwyniad yn wahanol, lot o syniadau difyr ac unigryw,” eglura Elan Evans.

“Ond roedd un Pys Melyn yn sefyll mas achos roedden ni’n meddwl am yr hir dymor a beth oedden nhw’n mynd i’w wneud gyda’r offer aballu ar ôl y prosiect yma. 

“Mae criw Pys Melyn mor greadigol a gweithgar roedden ni’n teimlo ar ôl iddyn nhw orffen hwn, byddai dim stop arnyn nhw.”

 

Roc a Phop

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn