Holl ganeuon Eden ar gael i’w ffrydio ar-lein

 

Clawr albwm

“Mae bron iawn yn teimlo fel bod rhyddhau’r caneuon yma fel rhyddhau caneuon newydd,” meddai un o aelodau Eden, wrth i holl ganeuon y grŵp fod ar gael i’w ffrydio ar-lein am y tro cyntaf erioed.

Mae dros 20 mlynedd wedi mynd ers i’r grŵp pop poblogaidd gyhoeddi’r albwm, Paid â Bod Ofn,yng nghanol bwrlwm yr 1990au.

Mae’r dyddiau prysur hynny bellach ar ben i’r grŵp, meddai Emma Walford, ond mae hi, Non Parry a Rachael Solomon yn dal i “gigio’n achlysurol”.

A bydd y merched yn dychwelyd i’r llwyfan eleni eto, a hynny ar gyfer gig arbennig ym Mhafiliwn Maes yr Eisteddfod Genedlaethol yn Llanrwst.

“Yr adeg iawn”

Yn ôl Emma Walford, mae yna alw mawr wedi bod am osod holl ganeuon Eden ar-lein, a gafodd eu rhyddhau ar ffurf casét yn wreiddiol.

“Roedd o jyst i’w weld yn adeg iawn i’w wneud o, gan fod gynnon ni’r gig yma yn y pafiliwn yn Eisteddfod Llanrwst,” meddai Emma Walford wrth golwg360.

“Ac roedd pobol jyst yn gofyn i ni oherwydd eu bod nhw’n mwynhau’r caneuon ac yn methu cael gafael arnyn nhw.”

Crysau-T

Pan berfformiodd Eden ar lwyfan y Maes yn Eisteddfod Genedlaethol Môn y 2017, roedd cyrsau-t arbennig a oedd cynnwys yr enw ‘Eden’ ar gael i’w prynu, a phrofodd y cynllun i fod yn un llwyddiannus iawn.

Y bwriad eleni yw creu rhai tebyg, meddai Emma Walford, ond gyda’r geiriau ‘Paid â bod ofn’ arnyn nhw.

Fe fydd holl elw’r gwerthiant wedyn yn mynd tuag at wefan Meddwl.org, lle y bu Non Parry yn rhannu ei phrofiadau ynglŷn ag iechyd meddwl yn gynharach yn y flwyddyn.

“Dyma’r unig wefan, dw i’n meddwl, sy’n cynnig adnoddau drwy’r iaith Gymraeg, ac mae hwnna jyst mor bwysig,” meddai Emma Walford.

Dyma glip sain o Emma Walford yn sôn mwy am y crysau-T…

Roc a Phop

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018