Cwyno am broblemau sain “ofnadwy” yng nghyngerdd y Spice Girls

Diweddarwyd am  

Spice Girls 2019

Llun cyhoeddusrwydd

Mae rhai o gefnogwyr y Spice Girls wedi cwyno am broblemau sain yn ystod eu cyngerdd yn y brifddinas neithiwr (nos Lun, Mai 27).

Roedd yr ymweliad â Stadiwm y Principality yn rhan o daith y grŵp pop o gwmpas gwledydd Prydain ac Iwerddon.

Ers neithiwr, mae llawer cefnogwr wedi dweud nad oedden nhw’n gallu clywed y gerddoriaeth yn dda oddi fewn i’r stadiwm.

Daw yn dilyn cwynion tebyg yn ystod y gyngerdd yn Croke Park, Dulyn, rai diwrnodau ynghynt, gydag un o aelodau’r grŵp, Mel B, yn dweud wedi’r noson ei bod hi’n gobeithio y bydd y sain yng Nghaerdydd yn “llawer gwell”.

Dywedodd un ffan siomedig ar y cyfryngau cymdeithasol fod y sain yn y gyngerdd neithiwr yn “ofnadwy”, tra bo un arall yn honni nad oedden nhw wedi gallu “clywed hanner” y gyngerdd.

Ond nid pawb oedd yn cytuno â’r farn honno, gyda rhai’n dweud nad oedden nhw wedi profi yr un broblem sain, a bod y noson wedi bod yn un “ffantastig”.

Roc a Phop

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018