Beth?! Gigs Cymraeg mewn ‘fideo ymdrochol 360’

Diweddarwyd am  

Llun: CC0

Mae’r dechnoleg fideo ddiweddara’ yn rhoi cyfle i bobol Caerdydd gael blas ar gigs bandiau Cymraeg heb orfod codi o’u cadair.

Fe fydd ‘fideo ymdrochol 360’ dan y teitl Lleisiau o Gymru yng Nghanolfan Mileniwm Cymru (Mai 2-4) yn cynnwys rhai o artistiaid amlyca’r sîn.

“O fynyddoedd Eryri i glybiau canol dinas Caerdydd, mae’r ffilm ymdrochol yma’n dangos sin gerddoriaeth egnïol Cymru,” meddai’r blyrb.

Yn ystod mis Hydref y llynedd, cafodd chwe thrac gan fandiau Adwaith, Afrocluster, The Gentle Good, Marged, Astroid Boys, Brythoniaid eu recordio a’u cymysgu mewn sain 360.

Recordiwyd y traciau mewn gigs yng Ngŵyl y Dyn Gwyrdd ac yng Nghlwb Ifor Bach, Caerdydd.

Trwy chwe lens hemisfferig bydd ffilm Lleisiau o Gymru yn eich tywys i brofi teimladau’r artistiaid, awyrgylch eu cerddoriaeth, mew’n ffurf newydd sbon.

Ond ‘ymdrochol.’… beth ar y ddaear?

Mae fideos ymdrochol 360 yn dechnoleg newydd sy’n cael eu defnyddio’n helaeth mewn arddangosfeydd ar draws y byd erbyn hyn.

Er mwyn creu fideo o’r fath, mae’r ffilm yn cael ei recordio o bob un ongl ar yr un pryd – yn 360 gradd – gan ddefnyddio nifer o gamerâu neu camera sydd yn gallu gweld y panorama cyflawn.

Felly, wrth roi’r sbectol ‘VR’ ymlaen i wylio’r fideo, fe fydd y  defnyddiwr yn teimlo ei fod yn sefyll yng nghanol yr olygfa ar y sîn – a pa bynnag ffordd mae’r defnyddiwr yn troi, bydd delweddau’r fideo ymdrochol 360 yno.

https://www.facebook.com/WalesMillenniumCentre/videos/2013985592239715/?v=2013985592239715

Iaith

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018