Cyhoeddi lein-yps Maes B ar gyfer prifwyl 2019

 

Mellt

Mae tocynnau Maes B ar gyfer Eisteddfod Genedlaethol Sir Conwy 2019 bellach ar werth – ac mae rhestr y bandiau wedi’i chyhoeddi heddiw hefyd (dydd Mercher, Mai 1).

Fe fydd wythnos yr Eisteddfod Sir Conwy yn dechrau ar Awst 3 cyn i’r heidiau fentro i Faes B ble bydd y gerddoriaeth yn dechrau ar nos Fercher, Awst 7.

Ymhlith yr artistiaid fydd yn gorffen ar y nos Sadwrn olaf (Awst 10) y mae Mellt (enillwyr Albwm y Flwyddyn Eisteddfod Caerdydd 2018) ac Adwaith sydd wedi denu sylw ledled gwledydd Prydain dros y flwyddyn diwethaf.

Bydd cyfle i weld y slacyrs Los Blancos – un o grwpiau fwyaf poblogaidd Cymru eleni, ar y noson hefyd.

Ar y nos Wener (Awst 9), Gwilym sydd ar frig y rhestr gyda gwesteion newydd Maes B – rapwyr y 3 Hŵr Doeth a Papur Wal yn eu cefnogi.

Bydd Y Cledrau, Fleur de Lys, Omaloma yn dychwelyd a band ifanc Lewys ar y llwyfan ar y nos Iau (Awst 8) tra bydd hen bennau Maes B, Candelas, yn gorffen noson sy’n gweld Alffa, Chroma a Sybs yn rocio ardal Llanrwst ar nos Fercher, Awst 7.

Pwy a pryd

Nos Fercher (Awst 7) – Candelas, Alffa, Chroma, Sybs

Nos Iau (Awst 8) – Y Cledrau, Fleur de Lys, Omaloma, Lewys

Nos Wener (Awst 9) – Gwilym, 3 Hwr Doeth, Papur Wal, Serol Serol

Nos Sadwrn (Awst 10) – Mellt, Adwaith, Los Blancos, Wigwam

Eisteddfodau

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Gwobrau BAFTA Cymru 2018