Prif fand Maes B – “mwy o sialens” i ddenu pobol ifanc i gigs

Diweddarwyd am  

Yr Eira

Llun cyhoeddusrwydd y band

Mae’r band fydd yn cloi noson ola’ Maes B eleni yn disgwyl “mwy o sialens” i ddenu ieuenctid Cymru i ddod i wrando arnyn nhw.

Ers 2014 mae Yr Eira wedi perfformio ym Maes B bob blwyddyn, ac am y tro cyntaf erioed mi fyddan nhw’n llenwi un o brif slotiau’r digwyddiad ddechrau Awst.

Mae prif leisydd y band, Lewis Wyn, yn nodi ei fod yn “chuffed” i gael y cyfle i berfformio, a’n galw’r wledd gerddorol yn “un o uchafbwyntiau gyrfa rhai bandiau Cymraeg”.

Â’r gigiau’n cael eu cynnal yn y Bae eleni sawl milltir o’r maes pebyll yng nghaeau Pontcanna, mae’r cerddor yn gobeithio na fydd hyn yn amharu ar y digwyddiad.

“Bydd o’n ddiddorol gweld sut mae pethau yng Nghaerdydd,” meddai wrth golwg360. “Dw i’n gwybod bod y maes pebyll yn eitha’ pell o’r gig ei hun.

“Felly dw i’n gobeithio bydd ‘na bobol dal yn cael eu denu, ac y byddwn ni’n llwyddo denu pawb yn ôl i’r lle ar ddiwedd y nos.

“Mae’n fwy o sialens i gael nhw i’r gig, yn hytrach na bod nhw jest yn aros yn y maes pebyll, ac yn yfed yn fan’na.”

Adeilad Doctor Who

Er bod gigiau maes b yn draddodiadol yn cael eu cynnal ar lwyfan nesa i’r maes pebyll, bydd yng nghanolfan Doctor Who Experience bydd y perfformiadau eleni – syniadau da, yn ôl Lewis Wyn.

“Dw i’n meddwl bod o’n ddewis da i fynd â fo fan ‘na,” meddai. “Yn amlwg mae’n adeilad anferth, ac mae’n adeilad eithaf nodedig hefyd.

“Gan fod pob dim arall yn y Bae hefyd, dw i’n meddwl bod o’n gwneud sens i fod yna. Bydd bwrlwm yr Eisteddfod i gyd yn yr ardal yna, felly dw i’n meddwl bod o’n syniad grêt.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd